පුනරුත්ථාපන ප්රතිසංස්කරණ අධිකාරී පනත සම්බන්ධයෙන් ශ්රේෂ්ඨාධිකරණයේ මතය අද දිනයේදී පාර්ලිමේන්තුවට දැනුම් දී තිබෙන අතර ඒ අනුව යළි මෙරට ජනතාවගේ කතා කිරීමේ අයිතිය,මත ප්රකාශ කිරීමේ අයිතිය, රැස්වීමේ නිදහස් ආරක්ෂා කර දීම වෙනුවෙන් ශ්රේෂ්ඨාධිකරණයට හිස නමා ආචාර කරන බව සමඟි ජන බලවේගයේ පාර්ලිමේන්තු මන්ත්රී එස්.එම්. මරික්කාර් මහතා පැවසුවේය.
ඒ,විපක්ෂ නායක කාර්යාලයේදී පැවති මාධ්ය හමුවේදීය.
එම පනත මෙතෙක් කාලයක් පැවතියේ මත්ද්රව්ය වලට ඇබ්බැහි වූවන් පුනරුත්ථාපනය කිරීමට වන අතර මීට සති තුනකට පමණ පෙර ආණ්ඩුව මෙය යළි ගෙනාවේ සාමකාමී විරෝධතාකරුවන්, අයිතීන් වෙනුවෙන් සටන් කරන සටන්කරුවන්, අදහස් ප්රකශය කිරීමේ අයිතිය වෙනුවෙන් එකට රැස්වෙන අයව බලෙන් ගෙන ගොස් පුනරුත්ථාපනය කිරීමේ අරමුණින් බවයි මන්ත්රීවරයා කියා සිටියේ.
ඒ අනුව ආණ්ඩුවට එරෙහි විරුද්ධ මත දරන්නන් මර්දනය කිරීමේ සැලසුමක් මේ තුළ පවතී බවත් ඊට එරෙහිව තමන් අධිකරණය හමුවට ගිය බවත් මරික්කාර් මහතා සඳහන් කරන ලදී.
ASK
