බැසිල් රාජපක්ෂ මහතා මෙරටට පැමිණෙද්දී ගුවන් තොටුපලට යා යුත්තේ පොහොට්ටුවේ මන්ත්‍රීවරුන් නොව අපරාධ පරීක්ෂණ දෙපාර්තමේන්තු නිලධාරීන් බව සමගි ජන බලවේගයේ පාර්ලිමේන්තු මන්ත්‍රී මුජිබර් රහුමාන් මහතා පවසයි.
“අපට දැනගන්න ලැබුණා පොහොට්ටුවේ ඉන්න මන්ත්‍රීවරුන් රාශියක් ගුවන් තොටුපලට ගිහිල්ලා තිබෙනවා බැසිල් රාජපක්ෂ මැතිතුමා පිළිගන්න මල්මාලා ඔක්කොම අරගෙන. හරිනම් ඒගොල්ලො නෙවෙයි ගුවන් තොටුපලට යන්න ඕනෙ. ගුවන් තොටුපලට යන්න ඕනෙ මේ රටේ ඉන්න අපරාධ පරීක්ෂණ දෙපාර්තමේන්තුවේ ඉන්න නිලධාරීන්. ඔවුන් යන්න ඕනෙ ගුවන් තොටුපලට, ගිහිල්ලා වහාම එතුමාව අත් අඩංගුවට ගන්න ඕනෙ මේ රටට කරපු අපරාධයට”
මුජිබර් රහුමාන් මහතා මේ බව පැවසුවේ ඊයේ (20) කොළඹ විපක්ෂ නායක කාර්යාලයේ පැවති මාධ්‍ය හමුවක් අමතමිනි.
RN
