1. “ශ්‍රී ලංකාවට අවශ්‍ය පවතින ආර්ථික අර්බුදයට විසඳුම් නොදෙන ආර්ථික ප්‍රතිසංස්කරණයක් නොව 2050ට මුහුණ දිය හැකි ශක්තිමත් නව ආර්ථික ක්‍රමවේදයක්” හඳුන්වා දීමට පියවර ගනිමින් සිටින බව ජනාධිපති රනිල් වික්‍රමසිංහ පවසයි.
2. කොළඹ වරායේ නැඟෙනහිර බහාලුම් පර්යන්තය ශ්‍රී ලංකාව විසින් ජපානයට පිරිනමා ඇතැයි ජනාධිපති රනිල් වික්‍රමසිංහ පවසයි – හිටපු ජනාධිපතිවරයාගේ රජය විසින් ඉන්දියාව සහ ජපානය සමඟ ECT ගිවිසුම අවලංගු කිරීමෙන් පසු හවුල් ව්‍යාපාරයක් ලෙස සංවර්ධනය කිරීම සඳහා කොළඹ වරායේ බටහිර පර්යන්තය ඉන්දියාවේ Adani සමූහයට ලබා දී ඇත.
3. ජාත්‍යන්තර සංවර්ධන සංගමයෙන් (IDA) සහනදායී මූල්‍ය පහසුකම් ලබා ගැනීමට ශ්‍රී ලංකාව කළ ඉල්ලීම ලෝක බැංකුව අනුමත කරයි – “ආර්ථිකය ස්ථාවර කිරීමට සහ දරිද්‍රතාවයෙන් හා කුසගින්නෙන් පෙළෙන මිලියන සංඛ්‍යාත ජනතාවගේ ජීවනෝපාය ආරක්ෂා කිරීමට” ප්‍රතිසංස්කරණ වැඩසටහනක් ක්‍රියාත්මක කිරීමට රජයට හැකිවන පරිදි මෙම පියවර ගෙන ඇත.
4. 2017 විදේශ විනිමය පනත මඟින් විදේශ විනිමය ඉපැයීම් මෙරටට ගෙන්වා නොගත් අපනයනකරුවන්ට එරෙහිව නීතිමය ක්‍රියාමාර්ගයක් ගැනීමට බලධාරීන්ට තිබූ හැකියාව ඉවත් කර ඇති බැවින් එවැනි ක්‍රියාවන්ට එරෙහිව නීතිමය පියවර ගැනීමට මහ බැංකුවට නොහැකි බව ජාතික නිදහස් පෙරමුණේ නායක පා.ම. විමල් වීරවංශ ප්‍රකාශ කරයි.
5. චීනයෙන් ශ්‍රී ලංකාවට ඖෂධ සහ වෛද්‍ය සැපයුම් තොගයක්! – චීනය විසින් ශ්‍රී ලාංකික ජනතාවට පරිත්‍යාග කරන ලද රු. බිලියන 2 ක් වටිනා මෙට්‍රික් ටොන් 255 ට වැඩි අත්‍යාවශ්‍ය ඖෂධ සහ වෛද්‍ය සැපයුම් තොගය රැගත් නෞකාව පැමිණ ඇති බව ශ්‍රී ලංකාවේ චීන තානාපති කාර්යාලය පවසයි – ජූනි මාසයේ පටන් චීනය රුපියල් බිලියන 5ක් පමණ වටිනා ඖෂධ ශ්‍රී ලංකාවට පරිත්‍යාග කර ඇති බව ද පවසයි.
6. යෝජිත විදුලි ගාස්තු සංශෝධන ක්‍රියාත්මක නොකළහොත් ලබන වසරේ සිට දිනකට පැය 6ත් 8ත් අතර කාලයක් විදුලිය විසන්ධි විය හැකි බව බලශක්ති අමාත්‍ය කංචන විජේසේකර පවසයි.
7. ධීවර ප්‍රජාවට ඉන්ධන සහ භූමිතෙල් සහනාධාරයක් ලබාදෙන ලෙස හිටපු ධීවර රාජ්‍ය අමාත්‍ය සහ සමඟි ජන බලවේගයේ පා.ම. දිලිප් වෙදආරච්චි ජනාධිපතිවරයාගෙන් ඉල්ලීමක් කරයි! – ධීවර කර්මාන්තය කඩාවැටීමට ප්‍රධාන හේතුව ඉන්ධන මිල ඉහළ යාම බව ද පවසයි.
8. අපනයනකරුවන් විසින් විදේශ රටවල තැන්පත් කර ඇති ඩොලර් බිලියන ගණනක මුදල් ආපසු මෙරටට ගෙන්වා ගැනීමට රජය නව නීති සම්පාදනය කරන බව අධිකරණ අමාත්‍ය විජයදාස රාජපක්ෂ ප්‍රකාශ කරයි – එම මුදල් ආපසු ලබා ගත හැකි නම් රටට විදේශ විනිමය අර්බුදයකට මුහුණ දීමට සිදු නොවන බව ද පවසයි.
9. ලෝක බැංකුව (WB), ආසියානු සංවර්ධන බැංකුව (ADB), ජාත්‍යන්තර මූල්‍ය අරමුදල (IMF) සහ ආසියානු යටිතල පහසුකම් ආයෝජන බැංකුවේ (AIIB) නියෝජිතයන් සහ ජනපති රනිල් වික්‍රමසිංහ අතර හමුවක්! – ශ්‍රී ලංකාවට බහු පාර්ශ්වික මූල්‍ය ආයතනවල සහය ඇති සම්බන්ධීකරණ ආධාර වැඩසටහනක් අවශ්‍ය බවට එකඟ වෙයි.
10. ශ්‍රී ලංකාව ආහාර අනාරක්ෂිතභාවය, තර්ජනයට ලක් වූ ජීවනෝපායන්, අත්‍යාවශ්‍ය ඖෂධ හිඟය මෙන්ම ඉහළ යන ආරක්‍ෂණ අවශ්‍යතා සමඟ බහුමාන අර්බුදයකට මුහුණ දෙමින් සිටින බව ආසියා සහ පැසිෆික් කලාපය සඳහා වන මානුෂීය කටයුතු සම්බන්ධීකරණ කාර්යාලයීය (Office for the Coordination of Humanitarian Affairs for Asia & Pacific) වාර්තාවකින් හෙළි කරයි.
