ජනතාවගේ විදුලි බිල වැඩි කිරීමට එරෙහිවත්, වෘත්තීය සමිති මර්දනයට එරෙහිවත්,රාජ්‍ය සම්පත් විකිණීමට එරෙහිව ඇතුලු ඉල්ලීම් ගණනාවක් මුල්කරගෙන උද්ඝෝෂණ ව්‍යපාරයක් ඊයේ (06)දින දහවල් කොළඹ විදුලි බලමණ්ඩල ප්‍රධාන කාර්‍යාලය ඉදිරිපිටදී පැවැත්විනි.
මෙම උද්ඝෝෂණ ව්‍යාපාරය සංවිධානය කොට තිබුනේ ලංකා විදුලි බලමණ්ඩල ඒකාබද්ධ වෘත්තීය සමිති සංවිධානය විසිනි.
දෙසැම්බර් මස 5,6 දෙදින ජාතික විරෝධතා දින ලෙස නම් කරමින් උද්ඝෝෂණ ව්‍යාපාර මාලාවට සමගාමීව මෙම උද්ඝෝෂණ ව්‍යාපාරය පැවැත්වූ අතර ඊට සමගාමීව වරාය ,ටෙලිකොම් ,දේශීය ආදායම් බදු වැනි රාජ්‍ය ආයතන ඉදිරිපිටද උද්ඝෝෂණ ව්‍යාපාර පැවැත්විනි.
