ශ්රී ලංකා පොදුජන පෙරමුණට බලය හිමි අකුරැස්ස ප්රාදේශීය සභාවේ අයවැය දෙවැනි වරටත් පරාජයට පත්ව ඇති බව වාර්තා වේ.
එහි සභාපති මුනිදාස ගමගේ මහතා විසින් දෙවැනි වරටත් ඉදිරිපත් කරන ලද අයවැයට පක්ෂව ලැබී තිබුණේ ඡන්ද 5ක් පමණක් වන අතර ඊට විපක්ෂව ඡන්ද 18ක් ලැබී තිබිණි. මන්ත්රීවරුන් දෙදෙනෙකු ඡන්දය ප්රකාශ කිරීමෙන් වැළකී සිට ඇත.
අකුරැස්ස ප්රාදේශීය සභාවේ මන්ත්රී ධුර සංඛ්යාව බෙදී ගොස් ඇත්තේ බලය හිමි පොහොට්ටුවට මන්ත්රීවරුන් 14 දෙනෙකුත් සමගි ජන බලවේගයට මන්ත්රීවරුන් 6 දෙනෙකුත් ජනතා විමුක්ති පෙරමුණට මන්ත්රීවරුන් 3 දෙනෙකුත් ශ්රී ලංකා නිදහස් පක්ෂයට මන්ත්රීවරුන් 2 දෙනෙකුත් වශයෙනි.
මීට පෙර පසුගිය නොවැම්බර් 19 වනදා පළමුවරට අයවැය ඉදිරිපත් කළ අවස්ථාවේදී ද එයට විපක්ෂව ඡන්ද 19ක් ලැබී තිබිණි.
RN