මාධ්ය හමුවක් පවත්වමින් තමන්ට එල්ල කළ චෝදනා මගින් තමාට අපහාසයක් සිදු වූ බව පවසමින් සමගි වනිතා බලවේගයේ හිරුණිකා ප්රේමචන්ද්ර මහත්මිය සහ ආදර්ශා කරදනට අපහාස කිරීම සම්බන්ධයෙන් රුපියල් බිලියන 1.5ක වන්දියක් ගෙවන ලෙස ඉල්ලා මහාචාර්ය ආශු මාරසිංහ මහතා විසින් එන්තරවාසී යොමුකර තිබේ.
මෙම මාධ්ය හමුවේ දී ප්රකාශ කළ සියළු චෝදනා අසත්ය බව මෙම එන්තරවාසිය මඟින් ප්රකාශ කර ඇත.
තමා පිළිබඳ සකස් කර සංස්කරණය කරන ලද වීඩියෝවක් පළකිරීම හා එම වීඩියෝව පිළිබඳ වැරදි අර්ථ නීරූපනයක් ලබාදීමෙන් තමාට අපහාසයක් සිදුවූ බව මහාචාර්ය ආශු මාරසිංහ මහතා සිය එන්තරවාසියෙන් පෙන්වා දී තිබේ.
පසුගිය 23 වන දින සමගි වනිතා බලවේගයේ හිරැණිකා ප්රේමචන්ද්රට සහ ආශු මාරසිංහ සමග වයිවාහක ජීවිතයක් ගතකළ බව පැවසූ ආදර්ශා කරදන මාධ්ය හමුවක් පවත්වමින් මහාචාර්ය ආශු මාරසිංහ සුනඛයෙකු අපයෝජනයට ලක්කළ බවට චෝදනා එල්ල කළේය.
මහාචාර්ය ආශු මාරසිංහ මහතා සිය නීතිඥවරුන් මගින් තමාට සිදුවූ අපහාසයට අදාළව හිරුණිකා ප්රේමචන්ද්ර මහත්මියට රුපියල් මිලියන 500ක් හා ආදර්ශා කරදනට රුපියල් බිලියනයක මුදලක් වන්දි වශයෙන් ලබා දෙන ලෙස දන්වා එන්තරවාසි යොමු කර තිබේ.
රෂිකා හෙන්නායක
