විදෙස් සංචාරකයන්ට සේවා සැපයීමේදී සිදු කරන අයකිරීම් විදෙස් මුදල්වලින් සිදු කරන ලෙස මහ බැංකුව සියලුම ලියාපදිංචි සංචාරක ආයතන වෙත විශේෂ නියෝගයක් නිකුත් කර තිබෙනවා. මේ හරහා රට තුළට ඇදී එන විදෙස් මුදල් ප්‍රමාණය ඉහළ නංවා ගැනීම මහ බැංකුවේ අරමුණයි.
මීට අමතරව ඉන්ධන මිලදී ගැනීම් සඳහා වාණිජ්‍ය බැංකු මගින් ආනයන බිල්පත් නිකුත් කිීමේදී බැංකු වෙත ලැබෙන විදේශ විනිමයන්ට සමානුපාතිකව මුදල් නිකුත් කරන ලෙසද උපදෙස් ලබා දී තිබේ.
ශ්‍රී ලංකා මහ බැංකුවේ මුදල් මණ්ඩලය විසින් නිත්‍ය තැන්පතු පහසුකම් අනුපාතිකය සහ නිත්‍ය ණය පහසුකම් අනුපාතිකය පදනම් අංක 50 බැගින් පිළිවෙළින්, සියයට 5.50 සහ සියයට 6.50 දක්වා ඉහළ නැංවීමටද තීරණය කර තිබෙනවා.
UN
