ශ්‍රී ලංකාවට මූල්‍ය අරමුදලේ ණය ලබා ගැනීමට ඇති ප්‍රධානතම බාධකය චීනය බව මෙරට ඇමරිකානු තානාපතිනි ජුලී චන්ග් මහත්මිය බීබීසී (BBC) වැඩසටහනට ප්‍රකාශ කර තිබේ.
ශ්‍රී ලංකාවේ අමෙරිකානු තානාපතිනි ජුලි චන්ග් මහත්මිය මෙසේ පවසා ඇත.
“චීනය කියන්නේ ඔවුන් ශ්‍රී ලංකාවේ මිතුරෙකු කියා. එහෙනම් මම හිතන්නේ ශ්‍රී ලංකා ජනතාව කැමතිවේවි එය ක්‍රියාවෙන් දකින්න. මූල්‍ය සහතිකයක් ලබාදීම පමා නොකිරීමට චීනය කටයුතු කරනු ඇතැයි ඔවුන් අපේක්ෂා කරනවා. හැකි ඉක්මනින් එවැනි මූල්‍ය සහතිකයක් ලබාදීමෙන් ඔවුන්ට එය පෙන්නුම් කළ හැකියි. මන්ද, ශ්‍රී ලංකාවට තවත් පමාවීමට කාලයක් නැහැ. ඔවුන්ට මෙම මූල්‍ය සහතිකය කඩිනමින් අවශ්‍යයි. සැම්බියාව, වැඩ් ඇතුළු රටවල් කිහිපයකදීම මෙවැනි පමාවක් දක්නට ලැබුණා. එම රටවලට මූල්‍ය සහන ලබාගැනීමට බාධා ඇතිවූයේ චීනයේ මෙම පමාව හේතුවෙන්. එහිදී කඩාකප්පල්කරු වූයේ චීනයයි. ශ්‍රී ලාංකික ජනතාව වෙනුවෙන් අපි අපේක්ෂා කරනවා… මූල්‍ය අරමුදල සමග පවත්වන සාකච්ඡාවලදී චීනය එවැනි කඩාකප්පල්කරුවෙකු ලෙස කටයුතු නොකරනු ඇතැයි කියා.”
රෂිකා හෙන්නායක
