පසුගියදා ( 16 වැනිදා ) ශ්‍රී ලංකාවේ ණය ප්‍රතිව්‍යුහගත කිරීම සම්බන්ධයෙන් ඉන්දියාව සිය ස්ථාවරය පසුගිය ජාත්‍යන්තර මූල්‍ය අරමුදලට ලිඛිතව දැනුම් දී තිබූ අතර හින්දුස්ථාන් ටයිම්ස් පුවත්පත පෙන්වා දෙන්නේ අද (22) දිනයේ ශ්‍රී ලංකාව පිළිබඳ චීනයේ ස්ථාවරය ජාත්‍යන්තර මූල්‍ය අරමුදලට දැනුම් දීමට නියමිත බවත් එය චීනය විසින් ලිඛිතව සිදුකරනු ඇති බවය.
භාණ්ඩාගාරයේ නියෝජ්‍ය ලේකම් ප්‍රියන්ත රත්නායක මහතා ප්‍රකාශ කරන්නේ ණය ප්‍රතිව්‍යුහගත කිරීමේ ක්‍රියාවලිය සම්බන්ධයෙන් චීනය සමග සාකච්ඡා අවසන් අදියරට පැමිණ ඇති අතර ඉදිරි දින කිහිපය තුළ ඔවුන් සිය එකඟතාව සිදුකරනු ඇති බවයි. ඔහු වැඩිදුරටත් පවසන්නේ, සාකච්ඡාවේ රහස්‍යභාව ආරක්ෂා කිරීම හේතුවෙන් අදාළ සාකච්ඡා පිළිබඳ තොරතුරු ලබාදිය නොහැකි බවය.
ජාත්‍යන්තර මූල්‍ය අරමුදල ඔවුන්ගේ ලබාදෙන ණය පහසුකම පිළිබඳ සිය එකඟතාව පළකිරීම සිදුවන්නේ චීනය සහ ඉන්දියාව ඔවුන්ගේ ස්ථාවරය හිමිවීමෙන් පසු බව සඳහන්. ඊට හේතුව ශ්‍රී ලංකාවට ප්‍රධානතම ණය ලබාදුන් රටවල් දෙක වන්නේ ඔවුන් නිසාවෙනි.
රෂිකා හෙන්නායක
