75 වැනි නිදහස් දින සැමරුමට අදාළව ෆේස්බුක් ඔස්සේ තර්ජනාත්මක සටහන් පළ කළ පුද්ගලයකුව මහරගම ප්‍රදේශයේදී අත් අඩංගුවට ගත් බව පොලිස් පරිගණක අපරාධ කොට්ඨාසය පවසයි.
මෙසේ අත් අඩංගුවට ගෙන ඇත්තේ 40 හැවිරිදි පුද්ගලයෙකි.
පුද්ගලයකු සිය ෆේස්බුක් ගිණුමෙහි මහජන කැලඹීමක් ඇති වන ආකාරයෙන් නිදහස් උත්සවයට සමගාමීව විවිධ අදහස් (පොස්ට්) පළකර ඇති බවට ලද පැමිණිල්ලක් අනුව සිදුකළ විමර්ශනවලදී සැකකරුව අත්අඩංගුවට ගැනීමට හැකිවූ බවයි පොලීසිය සඳහන් කරන්නේ.
සැකකරු නුගේගොඩ ගංගොඩවිල මහේස්ත්‍රාත් අධිකරණයට ඉදිරිපත් කිරීමට නියමිත ය.
RN
