හිටපු ආණ්ඩුකාර රෙජිනෝල්ඩ් කුරේ මහතාගේ මරණයට හේතු වූයේ ජනතා නිදහස් සන්ධානයෙහි කිහිපදෙනෙකුගේ ක්‍රියාකලාපය බව ශ්‍රී ලංකා නිදහස් පක්ෂයේ නායක, හිටපු ජනාධිපති මෛත්‍රීපාල සිරිසේන මහතා පවසයි.
ප්‍රශ්නය – ඇයි ඔබතුමාව හෙලිකොප්ටරයෙන් තල්ලු කරන්නෙ ?
“මාව හෙලිකොප්ටරෙන් තල්ලු කෙරුවේ නැහැ. මමයි අයින් වුණේ. රෙජිනෝල්ඩ් කුරේ මහත්තයා මැරුණා නෙවෙයි මැරුවා. මැරුණා නෙවෙයි මැරුවා !”
ප්‍රශ්නය – මේක බරපතළ ප්‍රකාශයක් … කවුද මැරුවේ රෙජිනෝල්ඩ් කුරේ මහත්තයාව ?
“ඒ සාකච්ඡාවෙදී ලොකූ රණ්ඩුවක් ඇතිවුණා. ලොකු රණ්ඩුවක් ඇතිවෙලා තදින් දොස් කියලා තියෙනවා කීපදෙනෙක්. ඒක එයාට වාවන්නෙ නැතුව ගියා. සාකච්ඡාවෙන් නැගිටලා ගෙදර ගියා. මේ මනුස්සයා නැතිවුණා”
ප්‍රශ්නය – මේ නාමයෝජනා ප්‍රශ්නය නිසා රෙජිනෝල්ඩ් කුරේ මහත්මයා නැතිවුණා කියලා ඔබතුමා කියන්නෙ ?
“මම පැහැදිලිවම කියනවා ඒක”
ප්‍රශ්නය – ඔය කාරණයෙන් පස්සෙද ඔබතුමන්ලා හෙලිකොප්ටරයෙන් ඉවත් වෙන්න තීරණය කළේ ?
“පැහැදිලිවම ඔව්”
මෛත්‍රීපාල සිරිසේන මහතා මේ බව පැවසුවේ හිරු රූපවාහිනී නාලිකාවේ සම්මුඛ සාකච්ඡාවකට එක්වෙමිනි.
~ රුවන් නෙළුගොල්ල
