සමගි ජන බලවේගය විසින් හැම පළාත් පාලන ආයතනයකටම සංවර්ධන සැලසුමක් සකස් කර ඇති බවත් ඒවා බිම් මට්ටමේ නිර්මාණාත්මක අදහස්වලින් සමන්විත වන බවත් විපක්ෂ නායක සජිත් ප්රේමදාස මහතා පවසයි.
ඒ අනුව ග්රාම සේවා වසම්, කුඩා ගම්මාන කේන්ද්ර කර ගෙන ගම හදා රට හදන්න, නගරය හදා රට හදන්න සමගි ජන බලවේගය සූදානම් බවයි විපක්ෂ නායක සජිත් ප්රේමදාස මහතා සඳහන් කළේ.
රටේ ජනතාව දැඩි ලෙස අසරණ වී ඇති අවස්ථාවක බංකොලොත් රට ගොඩ ගැනීමට ඇති එකම විසදුම සමගි ජන බලවේගය බවත් ආගම්, ජාති, කුල මල භේදයකින් තොරව සැවොම එකට එකතු වී රට වැටී තිබෙන ප්රපාතයෙන් ගොඩ ගැනීමට කටයුතු කළ යුතු බවත් විපක්ෂ නායකවරයා එහි දී අවධාරණය කළේය.
විපක්ෂ නායක සජිත් ප්රේමදාස මහතා මේ බව පැවසුවේ පසුගියදා කල්කුඩා හි පැවති සජබ ප්රචාරණ රැළියක් අමතමිනි.
~ රුවන් නෙළුගොල්ල
