නෝටන්බ්‍රිජ් පොලිස් වසමේ ටැප්ලෝ ප්‍රදේශයේදී බස් රථයක් ප්‍රපාතයකට පෙරළීමෙන් කාන්තාවන් දෙදෙනෙකු මියගොස් තවත් පුද්ගලයින් 25 දෙනෙකු තුවාල ලබා තිබෙනවා. සිරිපා වන්දනාවේ ගොස් ආපසු පැමිණෙමින් සිටි පිරිසක් රැගත් බස් රථයක් ඊයේ රාත්‍රියේ එලෙස අනතුරට ලක්ව ඇති බවයි පොලීසිය පැවසුවේ.
ඉදිරියෙන් පැමිණි වාහනයකට ඉඩ ලබාදීමට යාමේදී එම බස් රථය අඩි 200ක පමණ ප්‍රපාතයකට පෙරළී ගොස් ඇති බවද පොලීසිය පැවසුවා. එලෙස අනතුරට ලක්ව ඇත්තේ මහරගම ප්‍රදේශයේ සිට සිරිපා වන්දනාවට ගොස් ආපසු පැමිණෙමින් සිටි පිරිසක් රැගත් බස් රථයක් බව තොරතුරු වාර්තා වේ.
අනතුරෙන් තුවාල ලැබූ පුද්ගලයින් 23 දෙනෙකු ප්‍රතිකාර සදහා නාවලපිටිය රෝහලට ඇතුළත් කර ඇති අතර තවත් පුද්ගලයින් දෙදෙනෙකු පේරාදෙණිය සහ මහනුවර රෝහල්වලට ඇතුළත් කර තිබේ.
රෂිකා හෙන්නායක
