අගාධයකට වැටී ඇති මෙරට පශු සම්පත් සංවර්ධන අංශය යළි නඟා සිටුවීම සඳහා ඉන්දීය රජයේ පූර්ණ සහයෝගය ලබාදීමට තීරණය කර ඇති අතර කෘෂිකර්ම අමාත්යංශය පැවසුවේ මෙරට ඉන්දීය මහ කොමසාරිස් ගෝපාල් බග්ලේ මහතා සහ ජනාධිපති රනිල් වික්රමසිංහ මහතා අතර පැවැති සාකච්ඡාවක දී අදාළ එකඟතාව පළ වී බවයි.
අවස්ථා කිහිපයක දී ඉන්දීය මහකොමසාරිස්වරයා කෘෂිකර්ම අමාත්ය මහින්ද අමරවීර මහතා සමග ද මේ සම්බන්ධයෙන් සාකච්ඡා වාර කිහිපයක් පවත්වා තිබූ අතර , මෙරට තුළ වැඩි කිරි ප්රමාණයක් ලබා ගත හැකි ගව විශේෂ නොමැතිවීම හේතුවෙන් උසස් වර්ගයේ ගවයින් මෙරටට ලබාදීමට ද ඉන්දීය රජය එකඟතාවය පළ කර ඇති බව ද වාර්තා වේ.
කෘෂිකර්ම අමාත්යංශය වැඩිදුරටත් පැවසූවේ පසුගිය වසරේ මෙරට කිරි හා කිරි නිෂ්පාදන කර්මාන්තය 19% කින් පමණ පහත වැටී ඇති බවයි. එබැවින් මෙම ඉංදීය සහයෝගය ඉතා වැදගත් බව පැවසීය .
රෂිකා හෙන්නායක
