කොළඹ LNW: මෙවර මැයි දින සැමරුම ඉතා විශිෂ්ට ලෙස සිදුකරන බව ශ්‍රී ලංකා පොදුජන පෙරමුණේ පාර්ලිමේන්තු නියෝජිතයින් සඳහන් කරනවා.
අද (25) ඒ සම්බන්ධයෙන් පක්ෂයේ ජාතික සංවිධායක බැසිල් රාජපක්ෂ මහතාගේ ප්‍රධානත්වයෙන් සාකච්ජාවක් පැවැත්වූ බව පාර්ලිමේන්තු මන්ත්‍රීනි ගීතා කුමාරසිංහ මහත්මිය සහ පාර්ලිමේන්තු මන්ත්‍රී පියල් නිශාන්ත මහතා මාධ්‍ය වෙත පැවසුවා.
ඒ අනුව සියලු ආසන සංවිධායකයින් දැනුවත් කර අදාළ කටයුතු සූදානම් කරමින් පවතින බවත් මෙවර ශ්‍රී ලංකා පොදුජන පෙරමුණ වාර්තා ගත මැයි දිනයක් සමරන බවටයි ඔවුන් සඳහන් කළේ.
ආශිකා බ්‍රාහ්මණ
