ජනාධිපති රනිල් වික්‍රමසිංහ මහතාට සහාය දීමට තමන් කටයුතු කළේ පක්ෂයට වඩා තමන්ට රට වැදගත් නිසා බව නාගරික සංවර්ධන හා නිවාස අමාත්‍ය ප්‍රසන්න රණතුංග මහතා පවසයි.
“අපිට පක්ෂය දෙක, අපිට ප්‍රථමයෙන් වටින්නේ මේ රටයි. අපි රනිල් වික්‍රමසිංහ ජනාධිපතිතුමාට අපි උදව් කරන්න ගත්තේ මේ රට ගැන හිතලයි. එතුමා කරගෙන ආ කොටස ඉදිරියටත් කරගෙන යන්න අපි පූර්ණ සහයෝගය ලබා දෙනවා. සමහරුන්ට ඕනෑ වෙලා තියෙන්නේ පොහොට්ටුව නැවත දේශපාලනයට එන එක වලක්වන්නයි. ඒ නිසයි පසුගිය කාලයේ අපේ පක්ෂය පිළිබඳව විවිධ බොරු මත වැපුරුවේ. මේ පක්ෂය ජනතාවගේ පක්ෂයක්. තීන්දු තීරණ ගන්න ඕනි වෙලාවට අපි මේ රටේ අනාගතය ගැන හිතලා තීන්දු ගන්නවා. ගමේ පොහොට්ටුවට තියෙන බලය තවමත් එහෙමමයි. ඒකට තමයි ඇතැම් දේශපාලන පක්ෂ බයවෙලා මේ කුමන්ත්‍රණ කරන්නේ”
අමාත්‍යවරයා මේ බව සදහන් කළේ පොළොන්නරුව, හිගුරක්ගොඩ තාරුකා මණ්ඩප ශ්‍රවණාගාරයේ පැවති සින්නක්කර ඉඩම් ඔප්පු ප්‍රදානය කිරීමේ උත්සවයට සහභාගි වෙමිනි. මෙහිදී හිගුරක්ගොඩ ප්‍රාදේශීය ලේකම් කාර්යාලය විසින් ප්‍රතිලාභීන් 197 කට ඉඩම් බලපත්‍ර සහ ප්‍රතිලාභීන් 43 කට ඉඩම් දීමනා පත්‍ර පිරිනැමිණි.
RN
