කොළඹ LNW:මැයි දින පෙළපාලි සහ රැළි සඳහා පැමිණෙන වාහන නතර කිරීමට අවශ්‍ය රථ ගාල් වෙන්කර තිබෙන හෙයින් මාර්ග සහ පදික වේදිකා අවහිර වන ලෙස නතර කළ හොත් ඔවුන්ට එරෙහිව නීතිය ක්‍රියාත්මක කරන බව ශ්‍රී ලංකා පොලීසිය අවධාරණය කරයි.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී නිහාල් තල්දූව මහතා සඳහන් කරන්නේ නොසැලකිලිමත් ලෙස කටයුතු නොකර සෙසු වාහන හා ජනතාව අපහසුතාවට පත්නොවන ලෙස කටයුතු කරන ලෙසයි.
රැළි සංවිධානය කරන සංවිධායකවරුන් ද ඒ සම්බන්ධයෙන් අවධානය යොමුකරන ලෙස තල්දූව මහතා ඉල්ලාසිටියි.
යම්කිසි ලෙසකින් මාර්ගය බරපතල ලෙස අවහිර කළහොත් එම වාහනය ඇදගෙන යාමට සිදුවන බවත් ඊට යන මුදල පවා ගෙවීමට සිදුවනවා මෙන්ම නීතියද ක්‍රියාත්මක කරන බව ද පොලිස් මාධ්‍ය ප්‍රකාශකවරයා සඳහන් කරයි.
පොලීසිය විසින් අවශ්‍ය පහසුකම් සපයා ඇති හෙයින් එවැනි අපහසුතාවන්ට පත්නොවී ක්‍රියාකරන ලෙසයි ඔහු වැඩිදුරටත් උපදෙස් දෙන්නේ.
ආශිකා බ්‍රාහ්මණ