01. ශ්‍රී ලංකාවේ ද්වීපාර්ශ්වික ණයහිමියන් සඳහා සම්බන්ධීකරණය කරන ලද ණය ප්‍රතිව්‍යූහගතකරණය කිරීමේ වැඩසටහනක් දියත් කිරීම පිළිබඳව ජපාන මුදල් අමාත්‍ය ෂුනිචි සුසුකි (Shunichi Suzuki) සිය ප්‍රසාදය පළ කරයි: මෙම ක්‍රියාවලිය අප්‍රේල් මස ආරම්භකරන බව ජපානය, ඉන්දියාව සහ ප්‍රංශය විසින් නිවේදනය කර තිබේ: අනාගතයේ ණය අර්බුද ඇතිවීම වැළැක්වීම සඳහා ණය දත්ත විනිවිදභාවය සහ නිවරද්‍යතාවය වැඩිදියුණු කිරීම අත්‍යාවශ්‍ය බව ඔහු පවසයි.
02. දිවයිනේ විවිධ පෙදෙස්වල ආරම්භ වී ඇති ඩෙංගු ව්‍යාප්තිය මර්දනය කිරීම සඳහා සෞඛ්‍ය අමාත්‍ය කෙහෙළිය රඹුක්වැල්ල විසින් ක්ෂණික ක්‍රියාමාර්ග ගෙන ඇති බව වාර්තා වේ: මෙම වසර තුළ පමණක් ඩෙංගු ආසාදිත පුද්ගලයන් 31,098 වාර්තා වී ඇත: තත්ත්වය බරපතල අතර, වහා ක්‍රියාමාර්ග ගැනීම අත්‍යාවශ්‍ය බව සඳහන්: ගම්පහ දිස්ත්‍රික්කය තුළ වැඩිම ඩෙංගු ආසාදිත පුද්ගලයන් සංඛ්‍යාවක් වාර්තා වී ඇත (6,953); කොළඹ ආසාදිතයන් 6,500 වාර්තා වී ඇත.
03. මහර ග්‍රාම නිලධාරී වසමේ කිනිගම සහ අක්බාර් නගර ග්‍රාම නිලධාරී වසම්වල කොවිඩ් ආශ්‍රිත මරණ දෙකක් වාර්තා වී ඇත: කොවිඩ් වසංගතයෙන් පසු මෙසේ මරණ වාර්තා වන්නේ එම ප්‍රදේශයෙන් වසර එක හමාරකට පසුවය: මරණයට පත් එක් පුද්ගලයකු කොවිඩ් එන්නත්වල එකඳු මාත්‍රාවක් හෝ ලබා නොගත් පුද්ගලයකු වන අතර, අනෙක් පුද්ගලයා එක් මාත්‍රාවක් පමණක් ලබා ගත් අයකු බව සඳහන්: මරණයට පත් සමස්ත සංඛ්‍යාව 16,844.
04. දිස්ත්‍රික්ක 11 ක පවුල් 2,000 ක පමණ පුද්ගලයන් 9,000 කට ආසන්න සංඛ්‍යාවකට පවතින අයහපත් කාලගුණ තත්ත්වයේ බලපෑම්: ගංවතුරින් පීඩාවට පත් ගම්පහ දිස්ත්‍රික්කයේ කටාන, රබර් වත්ත සහ ගෝමස්වත්ත ප්‍රදේශවලින් ජනතාව ඉවත් කිරීමට පියවර ගෙන ඇති බව ආපදා කලමනාකරණ මධ්‍යස්ථානය පවසයි.
05. පොලීසිය පොලොන්නරුව මහ රෝහලේ ඔක්සිජන් සිලින්ඩර සොරකම් කර විකිණීමේ මහ පරිමාණයේ ජාවාරමක් වටලයි: සැකකරුවන් 06 දෙනෙකු අත්අඩංගුවට ගෙන ඇති අතර, ඔවුන් අතර රෝහල් කාර්ය මණ්ඩල සාමාජිකයකු ද ඇතුළත් බව සඳහන්: මෙම ජාවාරම 2020 වර්ෂයේ සිට සිදුවන අතර, රජයට අයත් ඔක්සිජන් සිලින්ඩර 210 ක් මේ දක්වා සොරකම් කර විකුණා ඇති බව සඳහන්: සැකකරුවන් පොලොන්නරුව මහේස්ත්‍රාත් අධිකරණයට ඉදිරිපත් කිරීමට නියමිත අතර, වැඩිදුර පරීක්ෂණ සිදුවේ.
06. 2023 වසරේ ලොව සංචාරය කිරීමට ආරක්ෂිතම රටවල් 13 අතරට ශ්‍රී ලංකාව ඇතුළත් වන බව, ගෘහ පාලනය (housekeeping), තැබෑරුම් පාලනය (bartending) සහ ගොවිතැන (farming) ආදී කටයුතු සඳහා තතු සොයන ලොව පුරා වෙසෙන සංචාරකයන් සඳහා තොරතුරු සපයන වෙබ් අඩවියක් වන Worldpackers වාර්තා කරයි: ආසියාවෙන් ජපානය සහ ශ්‍රි ලංකාව පමණක් මෙම ලැයිස්තුවට ඇතුළත් වී තිබීම පිළිබඳව සංචාරක අමාත්‍ය හරීන් ප්‍රනාන්දු සිය ප්‍රසාදය පළ කරයි.
07. මෙම වසර තුළ ඉන්දියාවෙන් සංචාරකයන් මිලියන 02 ක් ගෙන්වා ගැනීමට අපේක්ෂා කරන බව සංචාරක අමාත්‍ය හරීන් ප්‍රනාන්දු පවසයි: 2023 පළමු මාස තුන තුළ ඉන්දියානු සංචාරකයන් 46,432 පැමිණ ඇති අතර, 2023 පළමු කාර්තුව තුළ සංචාරක ඉපැයීම්වලින් ඇ.ඩො. මිලියන 530 කට ආසන්න මුදලක් ඉපැයීමට සමත් වූ බවත්, එය පසුගිය වසර තුළ එම කාල සීමාව තුළ ඇ.ඩො. මිලියන 482.3 පමණක් බවත් පවසයි: මෙම වසර තුළ සංචාරක ඉපැයීම්වලින් ඇ.ඩො. බිලියන 03 ක් ඉපැයීම අපේක්ෂාව බව ද පවසයි.
08. මුලතිව් සිට දරුවන් තිදෙනෙකු, කාන්තාවන් හතර දෙනෙකු ඇතුළු තවත් සරණාගතයන් දස දෙනෙකු යාත්‍රාවකින් ඉන්දියාවේ ධනුෂ්කොඩි දූවට ළඟා වූ බව ඉන්දීය සමුද්‍ර පොලිසිය පවසයි: ශ්‍රී ලංකාවේ ආර්ථික අර්බුදය සහ අත්‍යවශ්‍ය භාණ්ඩ මිල ගණන්වල ඉහළ යාම සමඟ මොවුන් රට අතහැර යාමට තීරණය කර ඇති බව මූලික විමර්ශනවලදී අනාවරණය වෙයි: තමාට ජීවත් වීමට නිතිපතා රැකියා නොලැබෙන බව ද එම සරණාගතයන් පවසා ඇති බව සඳහන්.
09. තරුණ ප්‍රජාවගේ සහභාගීත්වය දිරිගන්වන අධ්‍යාපන ප්‍රතිසංස්කරණ ඇති කිරීම සහ ඩිජිටල්කරණය තුළින් සන්නිවේදනය සඳහා සහාය ලබා දීම කෙරේ පොදුරාජ්‍ය මණ්ඩලීය රටවල් වැදගත් භූමිකාවක් ඉටුකළ යුතු බව ජනාධිපති රනිල් වික්‍රමසිංහ ලන්ඩනයේ පැවති පොදුරාජ්‍ය මණ්ඩලීය නායකයන්ගේ රැස්වීමේදී අවධාරණය කරයි.
10. ශ්‍රී ලංකා වේගපන්දු ක්‍රීඩක මතීෂ පතිරණ ටෙස්ට් ක්‍රිකට් ක්‍රීඩා නොකර කෙටි ක්‍රිකට් ක්‍රීඩාව කෙරෙහි අවධානය යොමු කළ යුතු බව හිටපු ඉන්දීය නායක එම්.එස්. දෝනි පවසයි: පතිරණ ශ්‍රී ලංකාවට ‘විශිෂ්ට සම්පතක්’ බවත්, “එක්දින තරඟ අඩු ප්‍රමාණයක් සහ සියලු ICC තරඟාවලි ක්‍රීඩා කළ යුතු” බව අවධාරණය කරයි: චෙන්නායි සුපර් කිංග්ස් මුම්බායි ඉන්දියන්ස්ට එරෙහිව ලැබූ ජයග්‍රහණයේ දී පතිරණ ඕවර 4 තුළදී ලකුණු 3/15ක් ලබා ගත්තේය.
