නොරොච්චෝලේ බලාගාරයෙහි පසුගියදා අලුත්වැඩියාවට ලක් කර, ඊයේ සිට ජාතික පද්ධතියට එකතු කෙරුණු තුන්වැනි ජනන යන්ත්‍රය අද (01) පස්වරුවේ සිට යළි අක්‍රිය වීම හේතුවෙන් දිවයිනේ ප්‍රදේශ ගණනාවක විදුලිය බිඳවැටීම් වාර්තා වී තිබේ.
අදාළ ජනන යන්ත්‍රයෙහි තාක්ෂණික දෝෂයක් හේතුවෙන් එය අක්‍රිය වී ඇති අතර ඒ හේතුවෙන් ජාතික පද්ධතියට මෙගාවොට් 270ක විදුලි ධාරිතාවක් අහිමි වී ඇති බවයි විදුලිබල මණ්ඩලය පවසන්නේ.
කෙසේවෙතත් නොරොච්චෝලේ අදාළ ජනන යන්ත්‍රය නැවතත් අක්‍රිය වීම හේතුවෙන් විදුලි කප්පාදුවක් සිදුකිරීමේ අවශ්‍යතාවක් ඇති නොවන බව මහජන උපයෝගීතා කොමිසමේ සභාපති ජනක රත්නායක මහතා ප්‍රකාශ කර ඇත.
RN
