උඩරට දුම්රිය මාර්ගයේ ඔහිය සහ ඉදල්ගස්හින්න අතර 31 වැනි උමග ආසන්නයේදී දුම්රියෙන් ඇදවැටීමෙන් යුවලක් තුවාල ලබා ඇති බව වාර්තා වේ.
ප්‍රංශ ජාතිකයින් වන මෙම යුවල ඊයේ (03) සවස මෙම අනතුරට ලක්ව ඇති බව සඳහන්.
දුම්රියෙන් ඇදවැටීමෙන් බරපතළ තුවාල ලැබූ ඔවුන් දෙදෙනා දියතලාව රෝහලට ඇතුළත් කර ඇති අතර මූලික විමර්ශනවලදී අනාවරණය වී ඇත්තේ දුම්රියේ දොරේ එල්ලී සෙල්ෆි ඡායාරූපයක් ගැනීමට යාමේදී තරුණිය මුලින් ඇදවැටී ඇති බවත් ඇයව බේරාගැනීම සඳහා තරුණයා පැන ඇති බවත් ය.
අනතුරින් පසු ඔවුන්ව එම දුම්රියෙන්ම හපුතලේ දුම්රිය ස්ථානය කරා රැගෙනවිත් ඇති අතර එතැන් සිට ගිලන් රථයකින් දියතලාව රෝහල කරා රැගෙන ගොස් ඇත.
RN