සටහන – රෂිකා හෙන්නායක
කොළඹ (LNW): කොළඹ අතිරේක මහෙස්ත්රාත් රජින්ද්රා ජයසූරිය මහත්මිය ඉදිරියේ අද (20) දින ව්යපාරික දිනේෂ් ෂාෆ්ටර් මහතාගේ මරණයට අදාළ නඩුව කැදවනු ලැබීය.
එම අවස්ථාවේ එම නඩුවට අදාල පරීක්ෂණවලදී රජයේ රස පරීක්ෂකවරයා වෙත යොමුකළ භාණ්ඩවලට අදාළ පරීක්ෂණ වාර්තා මෙතෙක් ලැබී නොමැති බැවින් එම වාර්තා කඩිනමින් කැඳවීමට පියවර ගන්නා ලෙස කොළඹ මහෙස්ත්රාත් අධිකරණය අපරාධ පරීක්ෂණ දෙපාර්තමේන්තුවට නියෝග කර ඇත
මෙම පරීක්ෂණයට අදාළව රජයේ රස පරීක්ෂකවරයා වෙත යොමුකරන ලද ලේ සාම්පල ඇතුළු ද්රව්යවලට අදාළ වාර්තා මෙතෙක් ලැබී නොමැති බව එහිදී මහෙස්ත්රාත්වරිය අපරාධ පරීක්ෂණ දෙපාර්තමේන්තුවට පෙන්වා දී ඇත.
එම වාර්තා ලැබීමේ ප්රමාදයක් තිබෙන බව සඳහන් කළ මහෙස්ත්රාත්වරිය ඒවා කඩිනමින් කැඳවීමට පියවර ගන්නා ලෙසත් අවශ්ය නම් රජයේ රස පරීක්ෂකවරයා වෙත සිහිකැඳවීම් යොමුකිරීමට හැකියාව තිබෙන බවත් විවෘත අධිකරණයේ පවසමින්, පැමිණිල්ල ලබන 28 වනදා කැඳවන ලෙස ඇය නියෝග කර ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??