සටහන – රෂිකා හෙන්නායක
කොළඹ (LNW): කොරියානු රැකියා සදහා පිටත්ව යන 800 වැනි කණ්ඩායම ලෙස අද (20) දිනයේ දකුණු කොරියාව බලා පිටත් කර යැවීමට අවශ්ය සියලුම කටයුතු ශ්රී ලංකා විදේශ සේවා නියුක්ති කාර්යාංශය විසින් සලසා තිබූ මෙම ශ්රමිකයින් ගමන් ගන්නා ගුවන් යානය පැය 12ක් පමණ ප්රමාදවීම නිසා එම ශ්රමිකයින් කණ්ඩායම කොරියාව බලා පිටත් කර යැවීමට නොහැකිවූ බව පැවසේ,
කම්කරු හා විදේශ රැකියා අමාත්ය මනුෂ නානායක්කාර මහතා පවසන්නේ , මෙලෙස ගුවන් යානා දිගින් දිගටම මේ ආකාරයට ප්රමාද වීම නිසා කොරියානු රැකියා සදහා ශ්රමිකයින් පිටත් කර යැවීම බරපතල ගැටලුවක් බවට පත්ව තිබෙන බවයි.
කොරියාවේ ධීවර ක්ෂේත්රයේ රැකියා සදහා ශ්රමිකයින් පනස් දෙදෙනෙක් මේ ආකාරයට පිටත්ව යාමට නියමිතව සිටි නමුත්, ගුවන් සේවයේ ප්රමාදය නිසා ඔවුන් අද දිනයේදී කොරියාවට නොඑවන ලෙසට කොරියානු මානව සම්පත් දෙපාර්තමේන්තුව ශ්රී ලංකා විදේශ සේවා නියුක්ති කාර්යාංශයට දැනුම්දී තිබෙන බව වාර්තා වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??