අද (06) සිට ක්රියාත්මක වන පරිදි ලොතරැයි ටිකට් පත්වල මිල ඉහළ දැමීමට ජාතික ලොතරැයි මණ්ඩලය සහ සංවර්ධන ලොතරැයි මණ්ඩලය කටයුතු කර තිබේ.
ඒ අනුව, මෙතෙක් රුපියල් 20ක්ව පැවති ලොතරැයි ටිකට් පතක නව මිල රුපියල් 40ක් වේ.
පවතින අධික පිරිවැය හේතුවෙන් මෙසේ ලොතරැයි මිල ඉහළ නැංවීමට කටයුතු කර ඇති නමුත් මිල ඉහළ යාමට සමානුපාතිකව පාරිභෝගික ජනතාවට දිනුම් අවස්ථා ද ඉහළ නංවා ඇති බවයි ජාතික ලොතරැයි මණ්ඩලයේ අලෙවි සහකාර සාමාන්යාධිකාරී මෙනුර චතුරංග මහතා සඳහන් කළේ.
මේ අතර මිල වැඩිකිරීමට සාපේක්ෂව කොමිස් මුදල ඉහළ නොදැමීම සම්බන්ධයෙන් විරෝධය පළ කරමින් අද සිට ලොතරැයි අලෙවියෙන් ඉවත් වීමට තීරණය කළ බව සමස්ත ලංකා ලොතරැයි අලෙවිකරුවන්ගේ සංගමය පවසයි.
එම සංගමයේ සභාපති ක්රිෂාන්ත මාරඹගේ මහතා සඳහන් කළේ ලොතරැයි මිල ඉහළ දැමීම නිසා ලොතරැයි අලෙවි කිරීමේදී ගැටලුවක් මතුවන බවත් ලොතරැයි අලෙවිය පහත වැටිය හැකි බවත් ය.
RN
