පොලිස් නිලධාරීන් ලෙස පෙනී සිටිමින් මුදල් හා දේපළ කොල්ල කෑමේ සිද්ධි රැසකට සම්බන්ධ පුද්ගලයින් 10 දෙනෙකු හොරණ, පොකුණුවිට ප්‍රදේශයේදී පොලිසිය විසින් අත් අඩංගුවට ගෙන තිබේ.
මොවුන් මිල්ලනිය, කහතුඩුව, අඟුරුවාතොට, පාදුක්ක, කොස්ගම, ඉංගිරිය, කිරිඳිවැල සහ බණ්ඩාරගම යන ප්‍රදේශවල කොල්ල කෑම් සිදුකර ඇති බවයි පොලිසිය සඳහන් කරන්නේ.
අත් අඩංගුවට ගත් එක් සැකකරුවකු සන්තකයේ තිබී මෙරට නිෂ්පාදිත ගිනිඅවියක් සොයාගෙන ඇති අතර සැකකරුවන්ගෙන් ප්‍රශ්න කිරීමේදී අනාවරණය වූ තොරතුරු අනුව කොල්ලකන ලද ත්‍රීරෝද රථ 02ක්, යතුරුපැදි 06ක්, රත්‍රන් ගුලි 03ක්, කඩු 02ක්, මන්නා පිහියක් සහ ‘පොලිස්’ නම සටහන් කරන ලද ටී ෂර්ට් සහ ජැකට් කිහිපයක් ද පොලිස් භාරයට ගෙන ඇත.
RN
