සටහන – රෂිකා හෙන්නායක
කොළඹ (LNW): බීබීසී ප්‍රවෘත්ති මාධ්‍යවේදියකු වන George Alagiah 2007 සිට BBC One හි News At Six හි වසර ගණනාවක් මාධ්‍යවේදියකු ලෙස විශාල සේවයක් ඉටු කර ඇත.
2014 දී ඔහුගේ අක්මාව සහ වසා ගැටිති දක්වා පැතිරී තිබූ බඩවැලේ පිළිකාව හතරවන අදියරේ ඇති බව හඳුනා ගන්නා ලද අතර , George Alagiah දීර්ඝ කාලයක් පිළිකාව සමඟ සටන් කර වයස අවුරුදු 67ක් දක්වා තම ජීවිතය ජීවත් කරවමින් සිට අද දින තම ජීවිතයෙන් සදහටම සමුගත් බව විදෙස් මාධ්‍ය වාර්තා කරයි.
ශ්‍රී ලංකාවේ උපන් මාධ්‍යවේදියකු වන ඔහු 2014 දී ඔහුගේ අක්මාව සහ වසා ගැටිති දක්වා පැතිරී තිබූ බඩවැලේ පිළිකාව හතරවන අදියරේ ඇති බව හඳුනා ගන්නා ගත් අතර ඔහු රසායනික චිකිත්සක ප්‍රතිකාර වට දෙකක් සහ ඔහුගේ අක්මාවෙන් වැඩි කොටසක් ඉවත් කිරීම ඇතුළු සැත්කම් කිහිපයක් විඳදරා ගත්තේය.
2015 ඔක්තෝම්බර් මාසයේදී ඔහු තම ප්‍රතිකාර අවසන් බව ප්‍රකාශ කළ අතර නොවැම්බර් 10 වන දින BBC News At Six වෙත නැවතත් සේවයට ගොස් ඇත.
George Alagiah 1989 දී බීබීසීයට සම්බන්ධ වූ අතර BBC News At Six හි සේවය කිරීමට පෙර එම සංස්ථාවේම ප්‍රමුඛ විදේශීය වාර්තාකරුවෙකු ලෙස වසර ගණනාවක් සේවය කර ඇත .
ඔහුගේ නියෝජිත මේරි ග්‍රීන්හැම් ප්‍රකාශයක් නිකුත් කරමින් මෙසේ පවසා ඇත .
“George Alagiah ඔහුගේ පවුලේ අය සහ ආදරණීයයන් විසින් වටකරගෙන සාමකාමීව අද මිය ගිය බව ඔබට දැනුම් දීමට සිදුවීම පිළිබඳ මම අතිශයින් කණගාටු වෙමි. “ජෝර්ජ් කටුක අවසානය දක්වා සටන් කළ නමුත් කණගාටුදායක ලෙස එම සටන අද කලින් අවසන්ව ඇත.
“ජෝර්ජ් මිතුරෙකු, සගයෙකු හෝ මහජන සාමාජිකයෙකු වේවා, ඔහුව හඳුනන සෑම කෙනෙකුම ඔහුට ගැඹුරින් ආදරය කළේය. ඔහු හුදෙක් පුදුමාකාර මිනිසෙකි. මගේ මේ දුක ඔහුගේ දරුවන් සහ පවුල සමඟ මෙදාගමි ,
ලෙස මේරි ග්‍රීන්හැම් ප්‍රකාශ කර ඇත.
George Alagiah ඔහුගේ පරම්පරාවේ හොඳම සහ නිර්භීත මාධ්‍යවේදීන්ගෙන් කෙනෙකි. බීබීසී අධ්‍යක්ෂ ජනරාල් ටිම් ඩේවි පැවසුවේ:
“ලෝකය පුරා නොබියව වාර්තා කළ මෙන්ම දෝෂ රහිතව ප්‍රවෘත්ති ඉදිරිපත් කළ ජෝර්ජ් ඔහුගේ පරම්පරාවේ හොඳම සහ නිර්භීත මාධ්‍යවේදීන්ගෙන් කෙනෙකු බවයි .”ඔහු කැපී පෙනෙන මාධ්‍යවේදියෙකුට වඩා වැඩි යමක් වූ අතර, ඔහුගේ කරුණාව, සංවේදනය සහ පුදුමාකාර මනුෂ්‍යත්වය ප්‍රේක්ෂකයන්ට දැනෙන්නට වූ බවත් ඔහු සියලු දෙනාගේ ආදරයට පාත්‍ර වූ අතර ඔහුව අහිමි වීම විශාල පාඩුවක් බවයි.
කම්කරු නායක ශ්‍රීමත් කීර් ස්ටාර්මර් ට්විටර් පණිවුඩයක් නිකුත් කරමින් කියා සිටියේ,
“George Alagiah අභාවප්‍රාප්ත පුවත පිළිබඳව දැඩි කණගාටුවක්” “දශක ගණනාවක් තිස්සේ බීබීසී ප්‍රවෘත්තිවල බෙහෙවින් ආදරය කරන ලද මුහුණුවරක් වූ ජෝර්ජ් විදේශ වාර්තාකරුවෙකු ලෙස ඔහුගේ දීප්තිමත්, නිර්භීත පුවත්පත් කලාව සඳහා ද සිහිපත් කරනු ඇති බවයි . ඔහුගේ උද්වේගකර, සීමා මායිම් තල්ලු කරන වාර්තාකරණය සඳහා ඔහු නිවැරදිව සම්මාන දිනා ගත්තේය. “බ්‍රිතාන්‍ය පුවත්පත් කලාවට දක්ෂතම පුද්ගලයකු අහිමි වී ඇති බව ද ඔහු පවසයි .
විදෙස් රටක ජීවත් වී විදෙස් රටක සේවය කළ මෙම ශ්‍රී ලාංකික George Alagiah යන අපූරු මාධ්‍යවේදියාගේ නාමය තව බොහෝ කාලයක් එරට හදවත් තුළ නොමැකෙන මතකයක් වේවි!!!
George Alagiah ඔබට සුබ ගමන්!
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
