පොහොර මිල විශාල ලෙස ඉහළ යාම හේතුවෙන් ගොවි ජනතාව බරපතල අපහසුතාවයකට පත්ව සිටින බව හිටපු කෘෂිකර්ම අධ්‍යක්ෂ කේ.බී. ගුණරත්න මහතා පවසනවා. මේ වනවිට යූරියා පොහොර මිටියක මිල රුපියල් 20,000 ක් දක්වා ඉහළ ගොස් ඇති බවයි හිටපු කෘෂිකර්ම අධ්‍යක්ෂවරයා පෙන්වා දෙන්නේ.
මීට හේතු වී තිබෙන්නේ ලෝකයේ පොහොර මිල අධික ලෙස ඉහළ ගොස් ඇති සමයක පොහොර ආනයනය කිරීම බවද ගුණරත්න මහතා පවසනවා. ඔහු මේ බව සඳහන් කළේ අද මහනුවරදී පැවති මාධ්‍ය හමුවකට සහභාගිවෙමිනි.
රජය මැදිහත් වී මෙම තත්වය වෙනස් කළයුතු බවත්, අසරණ ගොවි ජනතාවට සහන මිලකට පොහොර මිලදී ගැනීමට අවස්ථාව ලබාදිය යුතු බවත් හිටපු කෘෂිකර්ම අධ්‍යක්ෂවරයා වැඩිදුරටත් පවසනවා.
UN
