වැලිවේරිය – ඇඹරලුව පාර, පුබිලි මාවත ප්‍රදේශයේදී අද (05) උදෑසන සිදුවූ වෙඩිතැබීමකින් එක් පුද්ගලයකු තුවාල ලබා රෝහල්ගත කර තිබේ.
මෙසේ වෙඩි ප්‍රහාරය එල්ල වී ඇත්තේ උඩුගම්පොල, මාදෙල්ගමුව ප්‍රදේශයේ පදිංචි පුද්ගලයකුට බව සඳහන්.
එම පුද්ගලයා ජුබිලි මාවත ප්‍රදේශයේ මෝටර් රථයකින් ගමන් කරමින් සිටියදී යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් වෙඩි ප්‍රහාරය එල්ල කර ඇති අතර වෙඩි තැබූ පුද්ගලයින් දෙදෙනා යතුරුපැදිය එතැනම දමා කුඩා ලොරි රථයකින් පළාගොස් ඇති බවයි පොලිසිය පවසන්නේ.
වෙඩි වැදීමෙන් තුවාල ලැබූ පුද්ගලයා ප්‍රතිකාර සඳහා ගම්පහ රෝහලට ඇතුළත් කර තිබේ.
මෙම වෙඩිතැබීමට හේතුව මෙතෙක් අනාවරණය වී නොමැති අතර වැලිවේරිය පොලිසිය වැඩිදුර විමර්ශන සිදුකරයි.
RN
