චීනයේ පැවත්වෙන සීත සෘතු ඔලිම්පික් උළෙලට සහභාගි වන රුසියානු ඔලිම්පික් කමිටු කණ්ඩායමේ ක්රීඩිකා කැමිලා වලීවා ජයගත් ෆිගර් ස්කේටිං ඉසව්වේ පදක්කම් පිරිනැමීම නවතා දමන්නට ඔලිම්පික් තරඟ සංවිධායකයන්ට සිඳු විය.ඒ ජාත්යන්තර තහනම් උත්තේජන විරෝධි ආයතනය (වාඩා) ස්ටොක්හෝම් හි කරන ලද පරීක්ෂණයක් පදනම් කරගෙන වලීවාට එරෙහිව පනවන්නට යෙදුණ තහනමක් පදනම් කරගෙනය.
මේ තත්ත්වයට වලීවා විසින් අභියාචනයක් ඉදිරිපත් කරමින් විරෝධය පළ කර ඇති අතර ජාත්යන්තර ඔලිම්පික් කමිටුව ඇයගේ පදක්කම් පිරිනැමිම ප්රමාද කරමින් සහ ඇය ඉදිරියට තරග වැදීමට නියමිත පෙබරවාරි 15 වන දා ට පෙර මේ සම්බන්ධයෙන් තීරණයක් ලබා දෙන ලෙස වාඩා ආයතනයට දැණුම් දී ඇත.
රුසියානු ක්රීඩක ක්රීඩිකාවන්ට තහනම් උත්තේජන චෝදනාවන් පසුගිය කාලයේදී බරපතල ආකාරයට එල්ල වූ අතර රුසියානු රජය එහිදි ක්රියා කළ ආකාරය නිසා මේ වන විටත් රුසියානු ධජය යටතේ ජාත්යන්තර ඔලිම්පික් කමිටුව ක්රියාත්මක කරන තරග නියෝජනය එරටට තහනම් කර ඇත.පුටින්ගේ ආඩම්බරයට ක්රීඩා ලෝකය යටත් වී නැති අතර නමුත් එරට ක්රීඩා දක්ෂතා ඇගයීමේ උවමනාව මත ජාත්යන්තර ඔලිම්පික් කමිටුව ඔවුන්ට එරට ඔලිම්පික් කමිටු ධජය යටතේ තරග කරන්නට අවස්ථාව සළසා ඇත.
RM
