ඇමරිකා එක්සත් ජනපදයේ හිටපු ජනාධිපති ඩොනල්ඩ් ට්‍රම්ප් ජනාධිපතිවරයාව සිටියදී ඔහු ඇතුළුව රිසින් විෂ මිශ්‍ර වූ ලිපි යැවීම සම්බන්ධයෙන් කැනේඩියානු කාන්තාවක්වන 56 හැවිරිදි පැස්කල් ෆෙරියර් ජීව විද්‍යාත්මක අවි චෝදනා මත වසර 22 ක සිරදඬුවම් නියම කර ඇති බව වාර්තා වේ.
ට්‍රම්ප් වෙත යොමුකළ එම මාරාන්තික ලියුම් කවරය ධවල මන්දිරයට භාර දීමට පෙර 2020 සැප්තැම්බර් මාසයේදී අත්අඩංගුවට ගන්නා ලදී. මේ සම්බන්ධයෙන් ෆෙරියර් උසාවියට ප්‍රකාශ කළේ තම සැලසුම අසාර්ථක වීම ගැන කනගාටු වන බවත් “ට්‍රම්ප් නැවැත්විය නොහැකි” බවත්ය. සිරදඬුවම් විඳීමෙන් පසු ඇය එක්සත් ජනපදයෙන් පිටුවහල් කරනු ලැබේ.
එක්සත් ජනපද රෝග පාලනය සහ වැළැක්වීමේ මධ්‍යස්ථාන මේ සම්බන්ධයෙන් සදහන් කර තිබුණේ පැස්කල් ෆෙරියර් විසින් ට්‍රම්ප් වෙත යවන ලද ලිපියට ඔබ්බවන ලද රිසින් නම් විෂ කාරකය පැය 36 සිට 72 දක්වා කාලය තුළ මරණයට හේතු විය හැකි බවයි. මිට පෙරද ජනාධිපති බැරැක් ඔබාමා වෙතද රිසින් ලේස් සහිත ලිපි යැවීමක් සිදු වූ අතර ඊට සම්බන්ධ වූ මිසිසිපි ජාතිකයෙකුට වසර 25 ක සිර දඬුවමක් නියම විය.
සශිකලා මධුෂාණි_outboundtoday
