සටහන – රෂිකා හෙන්නායක
කොළඹ (LNW): ශ්‍රී ලංකා මහවැලි අධිකාරිය දැනුම් දෙන්නේ යල කන්නයේ වගා කළ කුඹුරුවලින් 90% කට පමණ අද දිනය වනවිට ජලය මුදා හැර අවසන් කර ඇති බවයි.
මහවැලි ජලාශවලින් භාවිතයට ගත හැකි ජල ප්‍රමාණය මේ වනවිට 18% ක් දක්වා පහළ ගොස් ඇති බවත්, කලා වැවෙන් පෝෂණය වන සියලු ගොවිබිම් වෙත ජලය මුදා හැරීම ලබන 10 වැනිදායින් අවසන් කරන බව ද මහවැලි අධිකාරිය පැවසීය.
අනුරාධපුර සහ තලාව ප්‍රදේශවල පානීය ජල අවශ්‍යතාවය සපුරාලන තිසා වැව සහ තුරුවිල වැවට කලාවැවෙන් ජලය මුදා හැරීම ලබන 31, 01 සහ 02 යන දිනවල සිදු කිරීමට ද සැලසුම් කර ඇති අතර බාධාවකින් තොරව එම ප්‍රදේශවල පානීය ජලය ලබා දීමට හැකිවනු ඇති බවයි මහවැලි අධිකාරිය කියා සිටියේ .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
