ත්‍රිකුණාමලය, තඹලගමුව ප්‍රාදේශීය රෝහලේ ඊයේ (01) ඇතිවූ ගින්න සම්බන්ධයෙන් තමන්ට වාර්තාවක් ලබාදෙන ලෙස නැගෙනහිර පළාත් ආණ්ඩුකාර සෙන්තිල් තොණ්ඩමාන් මහතා නියෝග කර තිබේ.
ඊයේ අළුයම 05.30 ට පමණට එම රෝහලේ ඖෂධ ගබඩාවෙහි මෙම ගින්න හටගෙන තිබුණු අතර ගිනි නිවන රථ දෙකක් යොදා ගින්න මැඩපැවැත්වීමට උත්සාහ කළත් ඖෂධ ගබඩාව සම්පූර්ණයෙන්ම ගින්නෙන් විනාශ වී ගොස් තිබිණි.
ඒ අනුව වහාම එම ස්ථානයට ගොස් පරීක්ෂා කර තමන්ට වාර්තාවක් ලබාදෙන ලෙස නැගෙනහිර පළාත් ආණ්ඩුකාර සෙන්තිල් තොණ්ඩමාන් මහතා පළාත් සෞඛ්‍ය අමාත්‍යාංශයේ ලේකම්වරයාට සහ පළාත් සෞඛ්‍ය අධ්‍යක්ෂවරයාට ඊයේ දිනයේදී නියෝග කර ඇති අතර ගින්නට හේතුව සොයා වැඩිදුර විමර්ශන සිදුකරන ලෙස පොලිසියට ද උපදෙස් ලබාදී ඇත.
RN
