කොළඹ LNW:ගෑස් මිල වැඩිවීම නිසා තේ එකක මිල රු.10කින්,කොත්තුව රු.20කින් සහ රයිස් එක රු.50කින් වැඩිකරන බව සමස්ත ලංකා ආපනශාලා සහ අවන්හල් හිමියන්ගේ සංගමය පැවසුවේය.
එම සංගමයේ සභාපති හර්ශන රුක්ශාන් මහතා සඳහන් කළේ මෙම වැඩිවීමට ගෑස් වැඩිවීම පමණක් නොව විදුලි බිල වැඩිවීම හා හාල් මිල වැඩිවීම ද බලප තිබෙන බවයි.
”ඊයේ ගෑස් මිල නැවත වැඩි උනා. අපි මාස තුනක් කිසිවක් වැඩිනොකර හිටියේ. නමුත් හෙට ඉදන් වැඩිකරනවා. රයිස් එක 50කින් වැඩිකරන්නේ කීරී සම්බා නැති නිසා. මාකට් එකේ කිරී සම්බා නෑ. ජල බිල 50% න් වැඩි උනා. කීරී සම්බා තිබුන මිලට මාකට් එකට දුන්නොත් රයිස් එකක මිල අඩුකරන්න පුලුවන්. කරන්ට් බිල වැඩි උනොත් නැවත මිල වැඩිකරනවා. ඇමති නලීන් ප්‍රනාන්දුට කියනවා හාල් මාෆියාව නවත්වන්න කියලා. හාල් මුදලාලිට ඕන විදිහට මිල පාලනය කරනව නම් ආණ්ඩුවක් ඕනේ නෑ. ඇමතිවරයා කුකුල් මස් මිල අඩු කළොත් ඒ වාසිය ජනතාවට දෙනවා. කොවිඩ් නිසා ප්ලේන්ටිය ප්ලාස්ටික් කෝප්පෙට මාරු උනේ. අපි දැන් උත්සාහා කරනවා සෞඛ්‍ය ආරක්ෂිතව වීදුරු කෝප්පයක ප්ලේන්ටිය දෙන්න.” යනුවෙන් ඔහු වැඩිදුරටත් ප්‍රකාශ කළේය.
ASK
