සටහන – රෂිකා හෙන්නායක
කොළඹ (LNW): රජයට අයත් පොහොර සමාගම්වලට උපදෙස් ලබා දීමෙන් පසු, ඉදිරි මහ කන්නයට අවශ්ය යූරියා පොහොර මෙට්රික් ටොන් 21,000ක් හෙට(09) සිට බෙදාහැරීමට පියවර ගෙන ඇති බව කෘෂිකර්ම අමාත්ය මහින්ද අමරවීර මහතා පවසයි.
එහිදී, ලංකා පොහොර සමාගම හා කොළඹ කොමර්ෂල් පොහොර සමාගම විසින් බෙදා හැරීමේ කටුයුතු සිදුකරන අතර, එම පොහොර ගොවිජන සේවා මධ්යස්ථාන වෙතින් මිල දී ගැනීමට හැකි අතර, කිලෝ ග්රෑම් 50ක යුරියා පොහොර මිටියක් රුපියල් 9000ක මුදලට අලෙවි කිරීමට බලාපොරොත්තු වේ.
කෘෂිකර්ම අමාත්යවරයා රජයට අයත් පොහොර සමාගම්වලට උපදෙස් දී ඇත්තේ, රසායනික පොහොර හෝ කාබනික පොහොර මිල දී ගැනීම සඳහා වී වගා කරන සෑම ගොවියෙකුටම හෙක්ටයාර් එකකට රුපියල් 15,000ක මුදලක් බැගින් ලබා දීමට ද රජය පියවර ගෙන ඇති අතර, වී වගාවට මෙන්ම එළවළු ඇතුළු අනෙකුත් වගාවන් සඳහා ද යූරියා ඇතුළු අනෙකුත් පොහොර සැපයීමට ප්රමුඛත්වය ලබා දෙන ලෙසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
