මුදල් අමාත්‍ය බැසිල් රාජපක්ෂ මහතා ඩේලිමිරර් පුවත්පත සමග පැවැත්වූ සම්මුඛ සාකච්ඡාවක වීඩියෝවක් හාස්‍යයට ලක් කරමින් ඒ මහතාට ඉංග්‍රීසි ඉගැන්වීමට පැමිණි පිරිසට අවසානයේ සිදුවුණේ බැසිල් රාජපක්ෂ මහතා නොව තම තමන් ඉංග්‍රීසි නොදන්නා බවට ස්වයං අවබෝධයකට පැමිණීමට බව ශ්‍රී ලංකා පොදුජන පෙරමුණේ න්‍යායාචාර්යවරයෙකු සහ ශ්‍රී ලංකා පුවත්පත් මණ්ඩලයේ සභාපතිවරයා ද වන ආචාර්ය මහින්ද පතිරණ මහතා පවසයි.
ඒ මහතා මේ බව සඳහන් කරන්නේ ඉහත කී සිද්ධියට අදාළව ෆේස්බුක් සමාජ මාධ්‍ය ජාලය තුළ තමන් ඉදිරිපත් කළ අභියෝගයකට ලැබුණු ප්‍රතිචාර පිළිබඳව පෙන්නුම් කරමිනි.
මෙම අභියෝගය එල්ල කළ ෆේස්බුක් සටහනට ප්‍රතිචාර දහසක් ඉක්මවා ලැබී තිබුණු අතර ඒවායින් බහුතරයක් සිංහල භාෂාවෙන් සටහන් කර තිබිණි.
මේ අතර මෙම භාෂා සිදුවීමට අදාළව මහින්ද පතිරණ මහතා තවත් ආන්දෝලනාත්මක සටහන් කිහිපයක්ම තබා තිබෙනු ද දැකගත හැකිවිය.
RN
සබැඳි පුවත් –
