සටහන – රෂිකා හෙන්නායක
කොළඹ (LNW): “සංරක්ෂණය සඳහා පරිසර පද්ධති කළමනාකරණය” යන තේමාව යටතේ වන ජීවි දෙපාර්ත මේන්තුව මගින් සංවිධානය කළ ජාත්‍යන්තර සම්මන්‍ත්‍රණයේදී , වන සතුන් සහ ඔවුන්ගේ වාසස්ථාන මුහුණ දෙන අභියෝගවලට විසඳුම් සෙවීමේ හදිසි අවශ්‍යතාවය, රටක් ලෙස අපට මතක් කරදෙන බව වනජීවී හා වන සම්පත් සංරක්ෂණ අමාත්‍ය නීතිඥ පවිත්‍රා වන්නිආරච්චි පැවසීය.
වනජීවී ආරක්‍ෂාව, සංරක්ෂණය සහ කළමනාකරණය යන කර්තව්‍යය භාර ගෙන ඇති වන සංරක්ෂණ දෙපාර්තමේන්තුව ප්‍රශංසනීය ආදර්ශයක් සපයා ඇති බවත්, විද්‍යාත්මක පර්යේෂණ, ජාත්‍යන්තර සහයෝගීතාවය සහ නව්‍ය විසඳුම් පෝෂණය කිරීම සඳහා දෙපාර්තමේන්තුවේ කැපවීම දැකීමට ලැබීම සතුටට කරුණක් බවත් මෙහිදී වැඩිදුරටත් අදහස් දක්වමින් අමාත්‍යවරිය පැවසීය.
අමාත්‍යවරිය මේ බව පැවසුවේ වෝටර්ස් එජ් හෝටලයේ ඉකුත් දා වන ජීවී දෙපාර්තමේන්තුව මගින් සංවිධානය කළ වනජීවී ජාත්‍යන්තර සම්මන්ත්‍රණයට සහභාගි වෙමිනි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
