සටහන – රෂිකා හෙන්නායක
කොළඹ (LNW): පානදුර නගරයට ආසන්නයේ , ක්‍රීඩා භාණ්ඩ අලෙවි සැලක් පවත්වාගෙන ගිය දෙමහල් ගොඩනැගිල්ලක අද (28) උදෑසන 7.30ට පමණ ගින්නක් හටගෙන ඇතැයි වාර්තා වේ.
ගින්නෙන් වෙළෙඳ සැලෙහි වූ ක්‍රීඩා භාණ්ඩ රැසක් විනාශ වී ඇති බවද වාර්තා වේ.
මොරටුව මහ නගර සභාවේ ගිනි නිවීමේ ඒකකය පැමිණ මේ වනවිට ගින්න පාලනය කර ඇති බවත්, ගිනි ගැනීමට හේතුව මෙතෙක් අනාවරණය වී නොමැති බව සඳහන්.
සිදුවු පාඩුව ද ගණනය කර නොමැත.
මේ පිළිබඳ පානදුර දකුණ පොලීසිය වැඩිදුර විමර්ශන සිදුකන බව සඳහන් වේ.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
