කොළඹ LNW:ඉදිරි අයවැය සම්බන්ධයෙන් කිසිදු ඉල්ලීමක් ඉවත නොදමන නමුත් අයිසිං කරන ලද අයවැය ප්‍රතිපත්ති ලේඛනයන් රජය ඉවත් විය යුතු වන බව මුදල් රාජ්‍ය අමාත්‍ය සහ වැවිලි ව්‍යසාය සංවර්ධන අමාත්‍ය රංජිත් සියඹලාපිටිය මහතා පවසයි.
නැවත අගාධයකට නොයා ස්ථිරසාර ආර්ථික වර්ධනයක් දක්වා යා හැකි අයවැය ලේඛනයක් ඉදිරිපත් කළ යුතුව ඇති බවයි සියඹලාපිටිය මහතා සඳහන් කරන්නේ.
”2024 අයවැයෙන් ධන ආර්ථිකයකට යාමට තමයි මේ සැලසුම් කරන්නේ. කවුරු හරිම අයවැය පරාජය කරනවා නම් මේ පරාජය කරන්නේ ශ්‍රී ලංකාව. එවැනි අය ඉදිවී කියල මම විශ්වාස කරන්නේ නැහැ. රාජ්‍ය සේවකයෝ ඉන්නවා ලක්ෂ 14ක්. විශ්‍රාමිකයෝ ඉන්නවා ලක්ෂ 06ක්. රු. 100කින් වැඩිකරන්නත් කොච්චර මුදලක් ඕනද? මේ සියල්ල කළ යුතුයි. නමුත් රජය විසින් රාජ්‍ය ආදායමෙන් ඒ මුදල් හොයාගන්න ඕන. රට ස්ථාවරව ආපු ගමන උඩට ගෙනියන්න ඕන. ජනතාවගේ දුක බලන්න ඕනේ. අපි කිසිම ඉල්ලීමක් අහක දමන්නේ නැහැ. නැවත මේ රට ආගාධයකට යන්නේ නැතුව අයිසිං කරපු අයවැය ප්‍රතිපත්ති ලේඛනයන් අපි අයින් වෙන්න ඕනේ. ස්ථිරසාර ආර්ථික වර්ධනයකට යා හැකි අයවැය ලේඛනවලට තමයි අපි යා යුත්තේ.” යනුවෙන් හෙතෙම වැඩිදුරටත් පවසයි.
ASK
