සටහන – රෂිකා හෙන්නායක
කොළඹ (LNW): බලාපොරොත්තු නොවූ අයුරින්, රුසියාව පැය 24ක් තුළ යුක්‍රේන නගර සහ ගම්මාන 118කට බෝම්බ ප්‍රහාර එල්ල කර ඇති බව විදෙස් මාධ්‍ය වාර්තා කරනවා.
යුක්‍රේන අභ්‍යන්තර කටයුතු අමාත්‍ය Ihor Klymenko පවසන්නේ, මෙවැනි සිදුවීමක් මේ වසරේ වෙනත් කිසිම දිනක සිදු නොවූවක් බවයි.
ඔහු වැඩිදුරටත් සඳහන් කරන්නේ , යුක්‍රේනයේ කලාප 27 න් 10ක්ම ප්‍රහාරයට ලක්ව ඇති අතර ප්‍රහාරයෙන් මරණයට පත්වූ හා තුවාල සිදුවූවන් රැසක් සිටින බවයි.
Avdiivka ප්‍රදේශයේ පමණක් ප්‍රහාර 20ක් මැඩපැවැත්වූ බව යුක්‍රේනයේ සන්නද්ධ හමුදා සාමාන්‍ය කාර්ය මණ්ඩලය පවසන අතර, රුසියාව ඊසානදිග Kharkiv ප්‍රදේශයේ Kupyansk නගරයට ප්‍රහාර දියත් කර ඇති අතර, යුක්‍රේන හමුදා Bakhmut අවට භූමි ප්‍රදේශය නැවත අත්පත් කර ගැනීම නැවැත්වීමට උත්සාහ කර තිබෙන බවයි ඔවුන් පවසන්නේ.
Kupyansk
Avdiivka
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
