සටහන – රෂිකා හෙන්නායක
කොළඹ (LNW): ශ්‍රී ලංකාව සහ යුරෝපා සංගමය අතර වෙළඳාම පුළුල් කිරීම සඳහා විශේෂිත වූ වැඩ පිලිවෙළක් ක්‍රියාත්මක කිරීමට නියමිත බව විදේශ අමාත්‍යාංශ ආරංචි මාර්ග පවසයි.
ඒ අනුව ශ්‍රී ලංකාව මෙම නව යෝජනා ක්‍රමය යටතේ GSP ප්ලස් පහසුකම සඳහා අයදුම්කරුවෙක් වන අතර එමඟින් ශ්‍රී ලංකාවේ අපනයනකරුවන්ට තීරු බදු රහිත නිෂ්පාදන 7000කට වඩා ඉදිරි වසර දහය සඳහා යුරෝපා සංගමයේ සාමාජික රටවලට අපනයනය කිරීමට හැකි වේ.
ශ්‍රී ලංකාව ආර්ථිකය ගොඩ නැගීමට ගෙන ඇති ක්‍රියාමාග සහ එහි ප්‍රගතිය යුරෝපා සංගමය සමඟ වෙළෙඳාම පුළුල් කිරීමට ගත් උත්සාහයන් ලෙස යුරෝපා සංගමය පිළිගෙන ඇත.
මේ වනවිට, ශ්‍රී ලංකාව සඳහා දෙවන විශාලතම අපනයන වෙළඳපොල වන්නේ යුරෝපා සංගමයයි. 2022 වසරේ වටිනාකම ඇමරිකානු ඩොලර් බිලියන 3 ක ආදායම් උපයා ඇත..
2022 වසරේ අපනයනවලින් 54%ක කොටසක් ඇඟලුම් අපනයනය ලෙසින් පෙරමුණ ගෙන ඇති අතර, අනෙකුත් ප්‍රධාන අපනයන නිෂ්පාදන වන්නේ ටයර්, තේ, ඇඟලුම් භාණ්ඩ, දුම්කොළ සහ දියර පොල් කිරි ය.
අපනයන සංවර්ධන මණ්ඩලයේ දත්තවලට අනුව 2023 වසරේ පළමු කාර්තුවේදී ශ්‍රී ලංකාවෙන් යුරෝපා සංගමයට සිදු කළ අපනයන සියයට 9.81 කින් ඩොලර් මිලියන 654.84 දක්වා ආදායම පහත වැටී ඇති බව සටහන් වී ඇත.
යුරෝපා සංගම් වෙළෙඳපොළ වෙත ශ්‍රී ලංකාවේ අපනයන භාණඩ අපනයනය කිරීමේදී තීරුබදු රහිත අපනයනයට අවස්ථාව සලසා දීම සහ GSP+ සහනයේ වැදගත්කම ශ්‍රී ලංකා නියෝජිත පිරිස විසින් යුරෝපා පාර්ලිමේන්තුව වෙත අවධාරණය කළ අතර , මේ ලබාදුන් සහනයන් අඛණ්ඩව ලබාදෙන ලෙසද යුරෝපා පාර්ලිමේන්තුවෙන් ඉල්ලා ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
