අනවශ්ය ලෙස හා හිතුමතේ වාණිජ්ය ණය ලබා ගැනීම හේතුවෙන් ජල සම්පාදන හා ජලාපවාහන මණ්ඩලය පාඩු ලබන ආයතනයක් බවට පත්ව ඇති බව ජල සම්පාදන හා ජලාපවාහන සේවක සංගමය පවසනවා. මෙම තත්වය මත ජල සම්පාදන හා ජලාපවාහන මණ්ඩලය මහා භාණ්ඩාගාරය මත යැපෙන තත්වයට පත්ව ඇති බවයි එම සංගමයේ ප්රධාන ලේකම් උපාලි රත්නායක මහතා පෙන්වා දෙන්නේ.
පසුගිය වසරේ සිට මෙරට වාණිජ්ය බැංකුවලින් ණය ලබා ගැනීම නිසා බව පෙන්වා දෙන උපාලි රත්නායක මහතා පවසන්නේ නව ව්යාපෘතිවලට ණය ලබා ගැනීමට පෙරම එම ව්යාපෘති ආරම්භ කිරීමටද ආයතනයේ පාලනාධිකාරිය උත්සාහ දරමින් සිටින බවයි. එම ව්යාපෘතිවලට අදාල ණය ලබා ගැනීම, ව්යාපෘතිය සිදු කරන කොන්ත්රාත්කරුටම පැවරීමටද උත්සාහ දරමින් සිටින බව ඔහු වැඩිදුරටත් පවසනවා.
විෂය භාර අමාත්යවරයා වන වාසුදේව නානායක්කාර මහතා වෙනත් අමාත්යංශවල කටයුතු පිළිබඳව මැදිහත් වන නමුත් තමන්ගේ අමාත්යංශයේ සිදුවන දූෂණ වංචා පිළිබඳව කිසිදු සොයා බැලීමක් නොකරන බවට ජල සම්පාදන හා ජලාපවාහන සේවක සංගමය චෝදනා කරනවා.
UN
