සටහන – රෂිකා හෙන්නායක
කොළඹ (LNW): බස් රථයේ තිරිංග අක්‍රීයවීමෙන්, මාතර සිට කොළඹ බලා ධාවනයවූ පෞද්ගලික මගී ප්‍රවාහන බස් රථයක් රත්මලාන ගොළුමඩම හන්දියේදී අනතුරකට ලක්ව ඇති බව වාර්තා වේ.
බස් රථයේ කොන්දොස්තරවරයා , සිද්ධියෙන් තුවාල ලබා රෝහල්ගත කර ඇති බවයි සඳහන් වන්නේ.
බස් රථය මාර්ගයෙන් ඉවතට පැන මංතීරු දෙක වෙන්කෙරෙන දූපත් කොටසේ ඇති මැද යකඩ වැට කඩාගෙන ගොස් නතරවී ඇති අතර, යකඩ ආවරණ කොටස් 08ක් කඩාගෙන බස් රථය ඉදිරියට ධාවනය වූ බවයි වාර්තා වන්නේ.
අනතුරත් සමග මංතීරු දෙකේම රථවාහන තදබදයක් හටගෙන තිබූ බවත් , අනතුර සම්බන්ධයෙන් බස් රථයේ රියදුරා අත්අඩංගුවට ගත් බවත් ගල්කිස්ස පොලීසිය වැඩිදුර පවසා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
