සටහන – රෂිකා හෙන්නායක
කොළඹ (LNW): ලක්ෂ 9කට ආසන්න රියදුරු බලපත්‍ර ප්‍රමාණයක් මුද්‍රණය කර ගත නොහැකිව ගොඩගැසී ඇති අතර, මුද්‍රණ යන්ත්‍ර නොමැති වීමෙන් මෙලෙස නිකුත් කිරීමට නොහැකිව ගොඩගැසී ඇති සියළු රියදුරු බලපත්‍ර ඉදිරි මාස 6 තුළදී නිකුත් කිරීමට හැකිවන බව, මෝටර් රථ ප්‍රවාහන කොමසාරිස් ජනරාල් නිශාන්ත අනුරුද්ධ වීරසිංහ මහතා පවසයි.
“රියදුරු බලපත්‍රවල ප්‍රශ්නේ තිබුණේ කාඩ් නොමැති වීම නෙමෙයි. පසුගිය කාලයේ ආර්ථික අර්බුදය සමග රටේ ඇති වූ තත්ත්වය හේතුවෙන් එල්සී විවෘත කරගන්න බැරිවෙලා කාඩ් ගෙන්න ගන්න බැරිවුණා. ඊට පස්සේ අපි කාඩ් ගෙනල්ලා තියෙනවා. නමුත් අපිට කාඩ් ප්‍රින්ට් කරන මැෂින්වල ප්‍රශ්නයක් තිබුණා. මේ සඳුදා තමා මට අලුත් මැෂින් තුන ආවේ. ඒකේ ප්‍රින්ටින් මේ සතියේ පටන් ගන්නවා. මම බලාපොරොත්තු වෙනවා මාස 6ක් තුළ මේ ගොඩගැහිලා තියෙන ටික ප්‍රින්ට් කරලා අවසන් කරන්න.”
ජාවාරම්කරුවන් විසින් රු 5,000ක මුදලක් ලබාදී රියදුරු බලපත්‍ර නිකුත් කිරීම සම්බන්ධයෙන් මේ වනවිට පැමිණිල්ලක් ලැබී ඇතැයි පැවසු නිශාන්ත අනුරුද්ධ මහතා, ඒ සම්බන්ධයෙන් වහාම පරීක්ෂණයක් පවත්වන ලෙස විමර්ශන ඒකකයට දැනුම්දුන් බවද පවසා සිටී.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
