කොළඹ LNW:එළඹෙන වසරේ සිට එක්සත් ජාතික පක්ෂය නව මුහුණුවරකින් කටයුතු කිරීමට සැලසුම් කර තිබේ.
ඒ අනුව මූලිකව නායකත්ව මණ්ඩලයක් පත්කර ඒ හරහා පක්ෂයේ දේශපාලන කටයුතු සිදුකිරීමටයි තීරණය කර ඇත්තේ.
නායකත්ව මණ්ඩලය සඳහා රුවන් විජේවර්ධන, රවී කරුණානායක, අකිල විරාජ් කාරියවසම්, සාගල රත්නායක, හරීන් ප්‍රනාන්දු, නවීන් දිසානායක සහ වජිර අබේවර්ධන යන අය පත්කර ඇති බව සඳහන්.
එක්සත් ජාතික පක්ෂයේ නව මහලේකම්වරයා ලෙස මැතිවරණ සඳහා ඉදිරිපත් නොකරන පූර්ණ කාලීනව පක්ෂ කටයුතුවල නිරත විය හැකි පුද්ගලයෙකු පත්කිරීමට නියමිත අතර රට පුරා පක්ෂයේ ප්‍රතිසංස්කරණ සිදුකිරීමට සූදානම් කර තිබේ.
ලබන වසර මැතිවරණ වසරක් වන හෙයින් ඊට එජාපය ගමක බලවේගය බවට පත් වීමයි ඔවුන්ගේ සැලසුම් වී ඇත්තේ.
මේ වන විටත් මැතිවරණ මෙහෙයුම් සඳහා සාගල රත්නායක මහතා පත්කර තිබෙන අතර ශ්‍රී ලංකා පොදුජන පෙරමුණේ කණ්ඩායමක සහයද එජාපයට ලැබීමට නියමිත බව සඳහන්.
ASK
