සටහන – නිශ්මං රණසිංහ
ජනවාරි 04 කොළඹ (LNW): ශ්‍රි ලංකා බැඩ්මින්ටන් සභාපති රොහාන් ද සිල්වා මහතා ඇතුළු විධායක කමිටු නිළධාරින්ගේ ආරාධනාවකට අනුව ආසියානු බැඩ්මින්ටන් සංවර්ධන කමිටුවේ කළමනාකරු වන මැලේසියානු ජාතික තානා බාලන් ශ්‍රි ලංකාවට පැමිණියා..ශ්‍රි ලංකාවේ බැඩ්මින්ටන් ක්‍රිඩාව තව දුරටත් නඟා සිටුවිමට, පුහුණුකරුවන්ගේ දැණුම යාවත්කාලීන කිරීම සමඟ සමස්ත බැඩ්මින්ටන් ක්‍රිඩාවේ සංවර්ධනය උදෙසා අවශ්‍යය මඟ පෙන්වීම සිදු කිරීම සිය ශ්‍රි ලංකා සංචාරයේ අරමුණ බව තානා බාලන් පවසා සිටියා.
බණඩාරනායක ගුවන් තොටුපළේදී ඔහුව ශ්‍රී ලංකා බැඩ්මින්ටන් වෙනුවෙන් පිළිගැනීම සඳහා ඉදිරිපත් වුණේ ශ්‍රී ලංකා බැඩ්මින්ටන් හී පුහුණුකරුවන්ගේ දැණුම වර්ධනය කිරීමේ කටයුතු භාර උප සභාපති බුද්ධික සිල්වා ඇතුළු විධායක කමිටු නිලධාරීන් විසින් වන අතර ඔහු දින කිහිපයක් ලංකාවේ රැඳෙමින් මේ වන විට ශ්‍රී ලංකාවේ බැඩ්මින්ටන් ක්‍රියාත්මක වන ආකාරය සහ එහි සංවර්ධනය උදෙසා කළ යුතු සංශෙෘ්ධන ගැන සාකච්ඡා කිරීමට නියමිතයි.
