කොළඹ LNW: පක්ෂයක් ලෙස ශ්‍රී ලංකා පොදුජන පෙරමුණ ඕනෑම මැතිවරණයකට සූදානම් බව හිටපු ජනාධිපති මහින්ද රාජපක්ෂ මහතා පැවසුවේය.
ඒ, අද (04) මහින්ද රාජපක්ෂ මහතාගේ ප්‍රධානත්වයෙන් ශ්‍රී ලංකා පොදුජන පෙරමුණේ මූලස්ථානයේ පැවති වැඩසටහනකින් අනතුරුව මාධ්‍ය වෙත අදහස් දක්වමිනි.
ජනාධිපතිවරයා විසින් ක්ෂණිකව ආණ්ඩුව විසුරුවා හැරියද මැතිවරණවලට මුහුණ දීමට සූදානම් බවයි රාජපක්ෂ මහතා අවධාරණය කළේ.
මේ අතර එහිදී ශ්‍රී ලංකා පොදුජන පෙරමුණේ ජනාධිපතිවරණ අපේක්ෂකයා සම්බන්ධයෙන් මාධ්‍යවේදියෙකු මහින්ද රාජපක්ෂ මහතාගෙන් ප්‍රශ්න කර සිටියේය.
ඊට පිළිතුරු දෙමින් හිටපු ජනාධිපතිවරයා පැවසුවේ ජනාධිපති අපේක්ෂකයා සඳහා නම් කිහිපයක්ම ඇති නමුත් තමන් ඒ අතර නොමැති බවයි.
අවශ්‍ය මොහොතේදී අපේක්ෂකයා පිළිබඳ තීරණය කරන බවද හෙතෙම කියාසිටියේය.
ASK
