සටහන – නිපුනි ලියනගේ
ජනවාරි 08, ලෝකය (අවුට්බවුන්ඩ් ටුඩේ): “Mamma Mia” හි මව සහ දියණියගේ චරිතාංඟ තුළින් Sophie සහ Donna ලෙස කරළියට ආ “Amanda Seyfried සහ Meryl Streep” 2024 ගෝල්ඩන් ග්ලෝබ්ස් හි රතු පලස මත දුටුවන් කාගේත් ඇස ගැටිණි.
Meryl Streep, Only Murders in the Building හි ඇයගේ සහය භූමිකාව සඳහා 2024 ගෝල්ඩන් ග්ලෝබ් නාමයෝජනා අතරට තේරි පත්විය.
81 වැනි වාර්ෂික ගෝල්ඩන් ග්ලෝබ් උළෙලට පෙර රතු පලස මත නැවත එක් වූ 74 හැවිරිදි Meryl Streep, ඡායාරූප සඳහා පෙනී සිටින 38 හැවිරිදි Amanda Seyfried දැක ඇය වෙත පැමිණ ඇයව පුදුම කරමින් ඡායාරූප සඳහා ද පෙනී සිටියාය.
මේ සිඳුවීමත් සමඟ සතුට ඉහවහා ගිය Seyfried, කෑ ගැසූ අතර, Streep විසින් Seyfried ට ඉවතට යාමට පෙර හිස මතට ඉක්මන් හාදුවක් ලබා දීම ද කැමරා කාචයේ සටහන් විය.
Seyfried, 2008 දී මුල් “Mamma Mia” සහ 2018 එහි අනුප්‍රාප්තිකය වූ Mamma Mia! Here We Go Again යන දෙකෙහිම රඟපෑවේය. මෙම නිර්මාණ දෙකම ABBA හි සංගීතයෙන් ආභාෂය ලබා ඇත.
වසර ගණනාවක් තිස්සේ රසිකයන් තුන්වන කොටසක් බලාපොරොත්තුවෙන් කෑගසමින් සිටින අතර, නිළියන් දෙදෙනාම ඒ සඳහා උද්‍යෝගයෙන් සිටින බවක් දක්නට ලැබිණි.
