රට මේ වනවිට මුහුණ දී සිටින ආර්ථික අර්බුදයට පිළියම් සෙවීම සඳහා ශ්‍රී ලංකා මහබැංකුව විසින් ඉල්ලීම් 8ක් රජය වෙත ඉදිරිපත් කර ඇති බව මහබැංකු අධිපති අජිත් නිවාඩ් කබ්‍රාල් මහතා පවසයි.
ඒ අනුව,
- අත්‍යාවශ්‍ය නොවන සමහර භාණ්ඩ ආනයනය කිරීමේදී විශේෂ බද්දක් පනවා ඒවායේ ඉල්ලුම තවදුරටත් අඩුකිරීම
- ඉන්ධන මිල සහ විදුලි බිල් වැඩිකිරීම
- රටට ලැබෙන විදේශ ප්‍රේෂණ සඳහා තවදුරටත් දිරිගැන්වීම් කරන අතරේම විවිධ නීත්‍යානුකූල නොවන ක්‍රමවේද ඔස්සේ රටට මුදල් ගලා එන්නේ නම් ඊට එරෙහිව ක්‍රියාත්මක වීම
- බලශක්තිය ඉතිරි කිරීමේ ක්‍රමවේද භාවිතා කිරීම සහ පුනර්ජනනීය බලශක්ති ක්‍රමවේද වෙත යොමුවීම
- විදෙස් රටවලින් ලබාගත හැකි මුදල් තවදුරටත් වැඩිකර ගැනීම
- ණය නොවන ක්‍රමවේද ඔස්සේ රටට මුදල් ගලා ඒම තවදුරටත් දිරිගැන්වීම
- උපායමාර්ගික නොවන සහ ඌන උපයෝගී වත්කම් කඩිනමින් මුදල් බවට පරිවර්තනය කරගැනීම
- අත්‍යාවශ්‍ය නොවන සහ හදිසි නොවන සමහර ප්‍රාග්ධන ව්‍යාපෘති තවදුරටත් කල්දැමීම
යන ඉල්ලීම් රජය වෙත ඉදිරිපත් කර ඇති බවයි ඒ මහතා සඳහන් කළේ.
අජිත් නිවාඩ් කබ්‍රාල් මහතා මේ බව පැවසුවේ ඊයේ (04) ශ්‍රී ලංකා මහබැංකු ශ්‍රවණාගාරයේ පැවති මාධ්‍ය හමුවක් අමතමිනි.
RN
