සටහන – නිපුනි ලියනගේ
ජනවාරි 22, ලෝකය (අවුට්බවුන්ඩ් ටුඩේ): Selena Gomez ඇගේ පෙම්වතා වන Benny Blanco සමඟ පසුගියදාක පැවැත්වුණු Emmy සම්මාන උළෙලට සහභාගී වූ අතර, එහි දී ඇයගේ ජීවිතයේ තවත් වැදගත් පුද්ගලයින් කිහිප දෙනෙක්ට තම පෙම්වතාව හඳුන්වා දීමට ඇය අමතක නොකළාය.
“Only Murders in the Building” හි සම නළුවන් වන Steve Martin සහ Martin Short ට ද ඔහුව හඳුන්වා දීමට අවස්ථාව ලබා ගත් ඇය ඔවුන් සමඟද පිළිසඳරක යෙදෙමින් ඡායාරූප කිහිපයකට ද පෙනී සිටින්නට විය.
Hulu හි තරු සහ Blanco සඳහා වූ පළමු හමුවීම ලෙස එය පෙනුන ද ඔවුන් එකිනෙකා හොඳින් ඇසුරු කළ බවක් දක්නට ලැබිණි.
පසුව ඔවුන් සියල්ලෝම එකට අසුන් ගැනීම සඳහා සම්මාන උළෙලට සහභාගී විය.
Selena Gomez ඇගේ පෙම්වතා වන Benny Blanco සමඟ රතු පලස මත සිට ඡායාරූප සඳහා පෙනී නොසිටි නමුත්, ඇය මාටින් සහ ෂෝර්ට් සමඟ ඡායාරූප වලට පෙනී සිටි අයුරු දක්නට හැකි විය.
Selena – Blanco පෙම් පලහිලව්ව ඉකුත් ගිම්හාන කාර්තුවේ සිට පවත්වා ඇති බව වාර්තා වන නමුත් ඔවුන් එය හෙළි කළේ ඉකුත් දෙසැම්බර් මාසයේ සිටය. ඉන්ස්ටග්රෑමයේ කළ පළ කිරීම් වල Selena ඔහුව හැඳින්වූයේ ඇයගේ “absolute everything” ලෙසිනි. එපමණක් නොව මේ ලෝකයේ අන් සියලු දෙනාටම වඩා ඔහු ඇයට හොඳින් සැලකූ බව ද ඇය කියා සිටියාය.