සටහන – රෂිකා හෙන්නායක
ජනවාරි 31 කොළඹ (LNW): ඉන්දීය විදේශ කටයුතු අමාත්‍ය එස්.ජයිශංකර් මහතා ඉන්දියාවේ පැවති උත්සවයක් අමතමින් කියා සිටියේ, ඔහුට දිය හැකි එකම උපදෙස ලෙස ඉඩක් ලද වහාම නිවාඩුවක් ගතකිරීමට තෝරා ගතයුත්තේ ශ්‍රී ලකාවට යන ලෙසයි.
ඔහු පැවසුවේ ,
“ඔබට මගේ පළමු උපදෙස, ඊළඟ වතාවේ ඔබට නිවාඩුවක් ගත කිරීමට අවශ්‍ය වූ විට, ලංකාවට යන්න. මම සීරියස් කියන්නේ. කරුණාකර ශ්‍රී ලංකාවට යන්න. මම ඔබ සියළු දෙනාට මෙය කියමි.”
“මම ශ්‍රී ලංකාවට ගිය අවස්ථාවේ ඉන්ධන පෝලිම්, ආහාර සහ අත්‍යවශ්‍ය භාණ්ඩ හිඟය සියැසින්ම දුටුවෙමි. මේ අවස්ථාවේ ඉදිරිපත් වූ එකම රට ඉන්දියාවයි,”
අමාත්‍ය ජයශංකර් සිය සංචාරයේදී තමා නිරීක්ෂණය කළ දරුණු තත්වයන් ආවර්ජනය කළේය.
ශ්‍රී ලංකාවේ ආර්ථික ව්‍යාකූලත්වය පිළිබඳ ගෝලීය උදාසීනත්වය මධ්‍යයේ, ඉන්දියාව ශ්‍රී ලාංකීය ජනතාවගෙන් සැලකිය යුතු ප්‍රසාදයක් ලබා ගනිමින් ස්ථාවර මිත්‍ර රාජ්‍යයක් ලෙස මතු වූ බව ඔහු අවධාරණය කළේය.
ශ්‍රී ලංකා පුරවැසියන් අතර ඉන්දියාවේ ප්‍රතිරූපය කෙරෙහි එහි ඇති ධනාත්මක බලපෑම ඉස්මතු කරමින්, ආර්ථික අභියෝග මධ්‍යයේ ශ්‍රී ලංකාවට ඉන්දියාව ලබා දෙන ආධාරයේ වැදගත්කම ද ඔහු පැහැදිලි කළේය.
අර්බුදය අතරතුර, ඉන්දියාව ශ්‍රී ලංකාවට ඇමරිකානු ඩොලර් බිලියන 4.5 ක සැලකිය යුතු මුදලක් ලබා දීමට පොරොන්දු වූ අතර එය ජාත්‍යන්තර මූල්‍ය අරමුදල (IMF) විසින් පිරිනමන ආධාර අභිබවා ගියේය.
“ඔවුන් දිගු කලක් ජාත්‍යන්තර මූල්‍ය අරමුදල (IMF) සමඟ සාකච්ඡා කළහ. IMF උපකාර මුලින්ම පැමිණිය යුතුව තිබුණා. ඒ IMF පැකේජය USD බිලියන 3 කට වඩා අඩුයි,” ඔහු ප්‍රකාශ කළේ සංසන්දනාත්මක පරිමාණය ඉස්මතු කරමිනි.
ඉන්දියාවේ සහාය අවශ්‍ය කාලවලදී තම අසල්වැසියා වෙත ඉන්දියාව දක්වන කැපවීම ශක්තිමත් කරමින්, ශ්‍රී ලංකාවට ඉන්දියාවේ ක්ෂණික සහ සැලකිය යුතු ආධාර, ජාත්‍යන්තර මූල්‍ය අරමුදලේ ආධාර 50% කින් ඉක්මවා ගිය බව අමාත්‍ය ජයශංකර් පැවසීය.
