සටහන – රෂිකා හෙන්නායක
පෙබරවාරි 01 කොළඹ (LNW): අද (01) දින සෞඛ්‍ය වෘත්තීය සමිති 72ක් සංකේත වැඩ වර්ජනයක නිරත වීමට නියමිත බව වාර්තා වේ.
ඒ රුපියල් 35,000කින් ඉහළ දැමීමට තීරණය කළ වෛද්‍යවරුන්ගේ රාජකාරී බාධා, පැමිණ සිටීමේ හා ප්‍රවාහන දීමනා හෙවත් ඩැට් දීමනාව තමන්ට ද ලබා දෙන්නැයි ඉල්ලමිණි.
ඒ සම්බන්ධයෙන් ඊයේ (31) දහවල් ද වෘත්තී සමිති කොළඹ ජාතික රෝහල ඉදිරිපිට විරෝධතාවයක නිරත විය.
සෞඛ්‍ය වෘත්තීය සමිති සඳහන් කළේ , එවැනි පසුබිමක තවමත් සමස්ත සෞඛ්‍ය කාර්ය මණ්ඩලයට දීමනාවක් ලබා දීම කෙරෙහි රජය හෝ මුදල් අමාත්‍යාංශය පාර්ශ්වයෙන් සාධනීය මැදිහත් වීමක් නොමැති වීම හේතුවෙන් අද (01)) දිනයේ සෞඛ්‍ය වෘත්තීය සමිති 72ක් ඒකාබද්ධව වර්ජන ක්‍රියාමාර්ගයක නිරත වන බවයි.
